Siłaviki šturmujuć «ekstremiscki» aŭtamabil. Fota MUS Biełarusi
«Kožnaja hrupa atrymlivaje maksimalna padrabiaznyja instrukcyi pa dziejańniach. Kali prytrymlivacca ich, vierahodnaść [pravałaŭ] źviedziena praktyčna na nul, — kaža «Jeŭraradyjo» surazmoŭca z BYPOL. — Asobna adznačym vypadki, kali byli zatrymanyja hramadzianie, jakija zapisalisia ŭ fejkavyja boty nibyta płana «Pieramoha». Takija čat-boty znachodziacca pad kantrolem śpiecsłužbaŭ dyktatara.
Akramia taho, častka nibyta zatrymanych hramadzian — heta fejki režymu, stvoranyja dla prapahandysckich metaŭ. U hetych rolikach zdymajucca ahienty śpiecsłužbaŭ dyktatara, jakija da nas taksama źviartalisia. Ich asoby nam viadomyja».
«My prosim usio biełaruskaje hramadstva: pierastańcie słuchać prapahandu!— praciahvaje pradstaŭnik BYPOL. — Jany kožny dzień zatrymlivajuć ludziej, jakija nie majuć nijakaha dačynieńnia da BYPOL i płana «Pieramoha». Prymušajuć ich pad katavańniami zapisvać pakajalnyja videa ab tym, čaho jany nie rabili.
Pa ŭsioj krainie prakaciłasia chvala zatrymańniaŭ mašynistaŭ ciahnikoŭ i hramadzian, jakija raniej znachodzilisia ŭ bazie MUS Biełarusi «Biesparadki», a taksama raniej sudzimych za kryminalnyja złačynstvy.
Kolki było zatrymana tych, chto zapisaŭsia ŭ płan SACa [Situacyjna-analityčnaha centra], my nie možam patłumačyć ź mierkavańniaŭ biaśpieki. Heta daść režymu dadatkovyja dokazy, jakija niehatyŭna paŭpłyvajuć na los zatrymanych hramadzian.
Režym baicca płana «Pieramoha», tamu kidaje vialikuju kolkaść sił na baraćbu z nami. Adnak my budziem praciahvać pracu nad płanam. My majem adzinuju metu — pieramoha nad režymam Łukašenki», — śćviardžaje «Bajpoł».
Nieprafiesijnyja padpolščyki
«Adbirajucca tyja, chto damahajecca lepšaj budučyni dla svajoj krainy! Chto hatovy achviaravać svajoj svabodaj i navat žyćciom dla hetaha. I darečy, heta ludzi, jakija mocna trymajucca na svaich hramadzianskich pazicyjach, majuć vysokija intelektualnyja zdolnaści i dastatkovyja navyki, kab vykonvać zadačy takoha płanu, — adkazvaje «Jeŭraradyjo» pradstaŭnik BYPOL. — Narešcie, my ličym, što za niezaležnaść našaj krainy pavinien zmahacca kožny biełarus. Bolšaja častka ŭdzielnikaŭ płana — cyvilnyja».
Spravazdača pa płanie
Što zroblena ŭdzielnikami «Pieramohi» za apošnija miesiacy?
«U płanie «Pieramoha» Situacyjna-analityčnaha centra zarehistravana bolš za 200 tysiač nieabyjakavych hramadzian, u tym liku tych, chto byŭ hatovy da aktyŭnych dziejańniaŭ navat nie čakajučy zapusku płana «Pieramoha», — havorać eks-siłaviki. — Adznačym, što płan «Pieramoha» raspracoŭvaŭsia, kab ludzi mahli dziejničać u zvyčajnych mirnych umovach, kali na terytoryi Biełarusi nie buduć prysutničać vojski Rasii. SAC pierafarmatavaŭ dziejnaść, uličvajučy ahresiju z boku Biełarusi ŭ dačynieńni da Ukrainy».
«U vyniku dziejnaści nieabyjakavych hramadzian stała niemahčymaj chutkaja i apieratyŭnaja pieravozka vajskovaj techniki, zbroi z terytoryi Rasii, — praciahvaje pradstaŭnik BYPOL. — U vyniku ahresii na niezaležnuju Ukrainu z boku dyktatarskich režymaŭ Biełarusi i Rasii nieabyjakavyja hramadzianie pa ŭsioj krainie, dzie nazirałasia vajskovaja technika ahresara, pačali rabić akcyi, jakija b rabili niemahčymym zabojstva mirnych hramadzian Ukrainy z terytoryi Biełarusi.
U dadzieny momant padychodzić da kanca pierapracoŭka płana pad umovy akupacyi našaj krainy. Rasija pierakinuła ź Biełarusi kala 85% techniki, adnak z historyi my viedajem, što rasijskaje vojska lohka zachodzić u krainu i vielmi ciažka vychodzić. Tamu my pavinny ŭličvać hety faktar.
Pra našy pośpiechi vy možacie pračytać u našym telehram-kanale, a taksama na našym jutub-kanale».
Čytajcie taksama:
Jak pavodzić siabie ź siłavikami pry zatrymańni i na dopycie? Tłumačyć bajpołaviec
Kaho vybieruć biełaruskija siłaviki: Łukašenku ci Pucina?
