Rasijski samalot Su-35, źbity ŭkrainskimi vajskoŭcami kala Iziuma

Rasijski samalot Su-35, źbity ŭkrainskimi vajskoŭcami kala Iziuma

Pavodle acenki amierykancaŭ, vyviedzienyja padraździaleńni mohuć papoŭnić asabistym składam, pieraŭzbroić, a paśla znoŭ nakiravać vajavać va ŭschodniuju častku Ukrainy. Padkreślivajecca, adnak, što heta tolki acenka situacyi.

Akramia taho, pradstaŭnik Pientahona zajaviŭ, što praciahvajucca ciažkija bai za Maryupal, ale pakul niama śviedčańniaŭ, što rasijskija siły nadta prasunulisia napierad.

U vakolicach Chiersona ŭ napramku Mikałajeva rasijskija siły adčuvajuć źniasileńnie i pierachodziać bolš da abarony.

U toj ža čas rasijskaja avijacyja, pavodle słoŭ amierykanskaha vajskovaha čynoŭnika, pa-raniejšamu ździajśniaje bolš za 200 vyletaŭ u dzień, bolšaść avijaŭdaraŭ nanosicca ŭ vakolicach Iziuma. Z hetaha horada, raźmieščanaha na paŭdniovy ŭschod ad Charkava, rasijskija vojski, ličycca, majuć namier raźvić nastup na poŭdzień, kab akružyć ukrainskija siły, jakija viaduć bai za Danbas.

Клас
0
Панылы сорам
0
Ха-ха
0
Ого
0
Сумна
0
Абуральна
9