«Nam udałosia hieałakavać miesca zdymki ŭ momant traplańnia rakiety. Vyśvietliłasia, što videarehistratar zdymaje ŭ paŭdniova-ŭschodnim napramku, a rakieta prylataje źleva, heta značyć, z uschodu ci paŭnočnaha ŭschodu, a značyć, z terytoryi Rasii», — havorycca ŭ paviedamleńni.
Pamiery varonki, jakaja ŭtvaryłasia paśla vybuchu, pa dumku CIT, havorać ab tym, što «heta moža być kryłataja rakieta 9M728 ATRK «Iskander-M», jakija majucca na ŭzbrajeńni rasijskaj armii i jakich nie vykarystoŭvaje Ukraina.
«My nie ŭpeŭnienyja ŭ hetym apaznańni. Tak ci inakš, nam nieviadoma ab vykarystańni ŭkrainskim bokam kryłatych rakiet u hetym kanflikcie, a ŭkrainskaja balistyčnaja rakieta prylacieła b z boku ŭkrainskich pazicyj, heta značyć, z zachadu ci paŭdniovaha zachadu.
Akramia taho, pa słovach biełharadskaha hubiernatara Hładkova, jašče adzin padobny incydent mieŭ miesca ŭ toj ža čas niepadalok ad Jasnych Zoraŭ Biełharadskaj vobłaści. Uličvajučy, što Jasnyja Zory znachodziacca prykładna pa kirunku palotu rakiety ad Nikolskaha, całkam mahčyma, što heta adnosicca da taho ž incydentu», — pišuć daśledčyki.
U Conflict Intelligence Team adznačajuć, što nie mohuć dakładna vyznačyć pryčynu zdareńnia i ŭ ich jość niekalki viersij.
«My nie možam adnaznačna śćviardžać, staŭ pryčynaj incydentu zboj, jaki vyklikaŭ sychod rakiety z kursu, abo pamyłka naviadzieńnia. Uličvajučy toje, što hetaja padzieja amal nie aśviatlałasia ŭ rasijskich fiederalnych ŚMI, naŭmysnaja rasijskaja pravakacyja z zapuskam rakiety pa rasijskaj terytoryi z metaj abvinavacić Ukrainu ŭjaŭlajecca nam małavierahodnaj.
Tak ci inakš, u adroźnieńnie ad ataki na naftabazu (i, mahčyma, niekatoryja inšyja abjekty), my hatovyja vyklučyć dačynieńnie Ukrainy da hetaha incydentu)», — padkreślili analityki.
Naftabaza ŭ rasijskim abłasnym centry Biełharad zaharełasia zranku 1 krasavika. Rasijski bok śćviardžaje, što heta vynik ataki ŭkrainskich vojskaŭ, ale aficyjnyja ŭkrainskija asoby, jak cyvilnyja, tak i vajskovyja, hetaha nie paćviardžajuć.
