Uładzimir Miadzinski.
Spačatku pamočnik rasijskaha prezidenta paŭtaryŭ rytualnyja słovy, charakternyja dla rasijskaha aficyjozu i prapahandy. Pavodle Miadzinskaha, ustupleńnie Ukrainy ŭ NATA i stvareńnie vajskovych bazaŭ na jaje terytoryi było tolki pytańniem času. Miadzinski zajaviŭ, što majucca «nieabvieržnyja dokazy» taho, što Ukraina rychtavała i płanavała pačać nastupleńnie na samaabvieščanyja «DNR» i «ŁNR», tamu Rasija, maŭlaŭ, i «była vymušanaja pačać śpiecyjalnuju vajennuju apieracyju».
Paśla kiraŭnik rasijskaj delehacyi raskazaŭ pra pryncypy mahčymych damoŭlenaściaŭ z Ukrainaj i zajaviŭ, što heta nibyta mienavita toje, čaho damahałasia Rasija.
«Učora kijeŭskija ŭłady ŭpieršyniu za ŭsie papiarednija hady zajavili pra svaju hatoŭnaść damaŭlacca z Rasijaj. Jany pieradali nam zafiksavanyja na papiery pryncypy mahčymaha budučaha pahadnieńnia. Hetyja pryncypy praduhledžvajuć admovu ad ustupleńnia ŭ NATA, fiksacyju pazabłokavaha statusu Ukrainy, admovau ad jadziernaj zbroi, a taksama vałodańnia, nabyćcia, raspracoŭki inšych vidaŭ zbroi masavaha paražeńnia, admovu ad raźmiaščeńnia zamiežnych vajskovych bazaŭ i vajskovych kantynhientaŭ, abaviazalnictvy pravodzić vajskovyja vučeńni z udziełam zamiežnych uzbrojenych sił tolki pa ŭzhadnieńni ź dziaržavami-harantami, u liku jakich budzie i Rasija», — raskazaŭ Miadzinski ŭ efiry telekanała «Rasija 24».
«Ukraina zajaviła pra hatoŭnaść vykanać tyja pryncypovyja patrabavańni, na jakich na praciahu ŭsich apošnich hadoŭ Rasija nastojvaje», — zajaviŭ pamočnik rasijskaha prezidenta.
Pavodle jahonych słovaŭ, kali hetyja patrabavańni buduć vykananyja, to źniknie pahroza stvareńnia płacdarma NATA va Ukrainie.
«U hetym, ułasna, sutnaść, sens i važnaść papiarednie ŭzhodnienaha na dosyć vysokim uzroŭni Ukrainaj dakumienta. Adnak praca praciahvajecca, pieramovy praciahvajucca», — zaviaršyŭ Miadzinski.
Taksama jon padkreśliŭ, što pryncypovaja pazicyja Rasii ŭ pytańni Kryma i Danbasa zastajecca niaźmiennaj.
