Čatyroch fihurantaŭ spravy zatrymlivali ŭ roznyja dni. Čamu ich sudziać razam, nie zusim zrazumieła, raskazała «Svabodzie» žurnalistka Jaŭhienija Doŭhaja.

«Ženiu Rubašku i Sašu Białova zatrymali ŭ adzin dzień — 29 lipienia 2021 hoda. Adnolkava žorstka. A dvuch poŭnych ciozak — Arciomaŭ Sałaŭjoŭ — naohuł zatrymlivali asobna. U listapadzie infarmacyjny anarchičny kalektyŭ «Pramień», kudy jany ŭvachodzili, pryznali ekstremisckim farmavańniem, paźniej sajt, sacyjalnyja sietki i materyjały resursu pryznali ekstremisckimi», — kaža Jaŭhienija Doŭhaja.

Pracavaŭ u Niderłandach, vałodaje redkimi movami prahramavańnia

Jaŭhien Rubaška skončyŭ BDUIR sa śpiecyjalnaściu inžynier-prahramist. Jašče va ŭniviersitecie ŭdzielničaŭ u roznych hramadskich inicyjatyvach: dapamahaŭ ładzić pakazy filmaŭ, dabračynnyja kirmašy, a taksama byŭ aktyvistam inicyjatyvy «Ježa zamiest bombaŭ», šmat hadoŭ dapamahaŭ praduktami i adzieńniem biazdomnym.

Vosiem hadoŭ paśla ŭniviersiteta jon pracavaŭ u Biełarusi ŭ IT-śfiery. Potym pierajechaŭ na paŭtara hoda ŭ Niderłandy. Vałodaje redkimi movami prahramavańnia.

Pierad vybarami Jaŭhien Rubaška viarnuŭsia ŭ Biełaruś. U 2020 hodzie jaho dvojčy zatrymlivali pa administracyjnych spravach i sadžali na 15 dzion.

«29 lipienia 2021 hoda ŭ kvatery, dzie žyŭ Jaŭhien, praviali pieratrus. Pad haračuju ruku trapiŭ i susied Jaŭhiena pa kvatery, jakomu prysudzili 14 dzion i jaki paźniej raspavioŭ pra katavańni. Supracoŭniki HUBAZiKa pry zatrymańni, patrabujučy dostupu da telefona i kampjutara, bili Jaŭhiena, naciahvali na hałavu pakiet, prymušali pić nieviadomuju vadkaść.

U Ženi žaleznaja vola, u toj ža čas jon vielmi razvažlivy, spakojny i flehmatyčny čałaviek. Ja nikoli nie čuła, kab jon łajaŭsia ci kryčaŭ. Ź im było vielmi cikava razmaŭlać pra pryrodu rečaŭ», — zhadvaje Jaŭhienija Doŭhaja.

U SIZA Jaŭhien Rubaška pačaŭ pisać vieršy. Ich užo bolš za 40. Siabry vyrašyli vydać zbornik jaho tvoraŭ.

Jaŭhiena Rubašku pravaabaroncy pryznali palitviaźniem.

Hieadezist, jaki dapamahaŭ biazdomnym

Vypusknik BDU Alaksandr Białoŭ pracavaŭ pa raźmierkavańni hieadezistam u budaŭničaj kampanii. Jak i Jaŭhien Rubaška, zatrymany 29 lipienia. Spačatku pa administracyjnaj spravie, a 8 žniŭnia jaho pieraviali na Vaładarku, abvinavaciŭšy ŭ masavych biesparadkach i stvareńni «ekstremisckaha farmavańnia».

«Sašu zatrymali, kali jon vychodziŭ na pracu. Jon maje «kartu palaka» i daŭno moh źjechać z krainy, adnak vyrašyŭ zastacca ŭ Biełarusi. Saša kazaŭ, što takich, jak jon, vyciskajuć z krainy, a jany supraciŭlajucca. Tamu i nie źjechaŭ.

Jon zajmaŭsia arhanizacyjaj dabračynnych mierapryjemstvaŭ, rabiŭ frymarkiety, razdavaŭ ježu biazdomnym. Trymajecca badziora», — kaža Jaŭhienia Doŭhaja.

Poŭnyja ciozki — dva Arciomy Sałaŭi, błandyn i bruniet

Tak supała, što jašče dva fihuranty spravy — poŭnyja ciozki. Abodva Arciomy, proźviščy abodvuch — Sałaviej. Tolki adzin ź ich błandyn, druhi — bruniet. Pra błandyna Arcioma Sałaŭja amal niama infarmacyi.

Bruniet Arciom Sałaviej byŭ zatrymany 4 žniŭnia 2021 hoda i pabity ŭ milicyi: jaho stavili ŭ «łastaŭku» i pahražali zhvałtavańniem, kab atrymać parol ad svajho telefona.

5 žniŭnia sud Zavodskaha rajona prysudziŭ jamu 15 dzion aryštu za drobnaje chulihanstva pa art. 19.1 KaAP (nibyta pry dastaŭleńni ŭ RUUS pavodziŭsia ahresiŭna). Paźniej jaho znoŭ zatrymali — užo pa kryminalnaj spravie (č.1 art. 342 KK — masavyja biesparadki), zatym dadali da abvinavačańniaŭ jašče i stvareńnie «ekstremisckaha farmavańnia».

Žurnalistka Jaŭhienija Doŭhaja kaža, što Arciom vielmi pieražyvaŭ, kali zatrymlivali siabroŭ.

«1 vieraśnia 2020 hoda zatrymali siabra Arcioma Illu Siańko za toje, što toj trymaŭ plakat «Franckieviča i Hajeŭskaha-Chanadu katujuć u KDB». Tady prajšła infarmacyja ad svajakoŭ, što chłopcaŭ katavali elektrašokieram. Samoha Illu pry zatrymańni pabili, vyrvali z nosa pirsinh. Arciom Sałaviej prasiŭ tady pieradać pieradaču dla Illi, bo ŭ samoha nie było z saboj pašparta. Dyk biełarusy dapamahli i sabrali jašče šmat smačnaha dla Illi», — raspaviała Jaŭhienija.

Sud prachodzić u zakrytym režymie: sudździa Alena Miśnik zadavoliła chadajnictva prakurora Mikałaja Ramanoviča.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?