Adkazvajučy na pytańnie pra toje, što rasijanie byccam užo admovilisia ad šturmu Kijeva i bolš skancentravanyja na ŭschodzie i poŭdni Ukrainy, Dzienisienka padkreśliŭ: «Kali my havorym niepasredna pra Pryirpieńnie, tam iduć bai. Iduć bai ŭ Irpieni, rasijanie akopvajucca. Ale kazać, što jany admovilisia ad šturmu Kijeva, ščyra kažučy, z majho punktu hledžańnia, jašče ranavata. Sapraŭdy, u ich ciapier niama sił. Ale ŭ toj ža čas my razumiejem, što jany ściahvajuć da biełaruska-ŭkrainskaj miažy svaje čaści».
U toj ža čas jon adznačyŭ, što rasijanie ciapier kidajuć usio, što ŭ ich jość, na Maryupal i na Izium, jak dva klučavyja punkty dla atrymańnia kantrolu nad Danbasam.
«Nasamreč, ad šturmu Kijeva pakul nichto jašče nie admaŭlaŭsia. Miarkujučy pa ŭsim, heta pakul u ich, skažam tak, trochi adkładziena ŭ płanie. Ciapier samaje važnaje dla ich — heta Maryupal, Izium i hety trochkutnik — Sievieradanieck-Lisičansk-Rubiežnaje», — padsumavaŭ Dzienisienka.
