«Kažuć, kudyś źnik ministr abarony Rasii. Cikava. Moža jon asabista zachacieŭ naviedać Čarnabajeŭku?» ‒ skazaŭ Zialenski.

Na toje, što Šajhu źnik z publičnaj prastory žurnalisty źviarnuli ŭvahu 23 sakavika. ŚMI uzhadali, što u apošni raz Šajhu źjaŭlaŭsia ŭ 11 sakavika — tady jon parazmaŭlaŭ sa svaim tureckim kaleham. 18 sakavika na sajcie Kramla zhadvałasia, što Šajhu ŭdzielničaŭ u naradzie členaŭ Rady biaśpieki z Pucinym. Ale fota i videa z hetaj sustrečy nie publikavalisia. Tady ž na «Pieršym kanale» vyjšaŭ siužet pra toje, jak Šajhu ŭručaje ŭznaharody vajskoŭcam, ale karcinka ŭ im supadała ź videa, jakoje minabarony publikavała 11 sakavika.

24 sakavika Piaskoŭ patłumačyŭ źniknieńnie Šajhu, ale pakinuŭ jašče bolš pytańniaŭ. «U ministra abarony ciapier šmat kłopataŭ, jak vy razumiejecie. Idzie śpiecyjalnaja vajennaja apieracyja. Kaniečnie, ciapier nie zusim čas dla miedyjnaj aktyŭnaści. Heta całkam zrazumieła», — prakamientavaŭ jaho źniknieńnie pres-sakratar prezidenta Rasii Dźmitryj Piaskoŭ. Jon abvierh paviedamleńni ab prablemach sa zdaroŭjem u ministra.

24 sakavika žurnalisty kramloŭskaha puła apublikavali videa, jak śćviardžajecca, narady ŭ Pucina z udziełam ministra abarony Rasii Šajhu. Videa było niajakasnym, ale žurnalisty zaŭvažyli, što Šajhu tam vyhladaŭ tak ža, jak i 11 sakavika. To-bok, mahčyma, heta tak zvanaja «kansierva», staroje videa.

Čarnabajeŭka ‒ heta miesca, dzie ŭkraincy rehularna źniščajuć rasijskija vojski. Jano stała miemam.

«A ja zaraz vam pakažu, adkul rychtavałasia napadzieńnie». Pramova Łukašenki ab pahrozie z boku Ukrainy stała miemam

Клас
0
Панылы сорам
0
Ха-ха
0
Ого
0
Сумна
0
Абуральна
0