Uzbrojeny mužčyna staić kala reštkaŭ rasijskaj vajennaj kałony, horad Buča niedaloka ad Kijeva, 1 sakavika. Krynica: AR.

Uzbrojeny mužčyna staić kala reštkaŭ rasijskaj vajennaj kałony, horad Buča niedaloka ad Kijeva, 1 sakavika. Krynica: AR.

Abłasnaja štab-kvatera charkaŭskaj palicyi i budynak miascovaha ŭniviersiteta mocny paškodžanyja, tam pačaŭsia pažar. Nočču pad ataku taksama trapili niekatoryja žyłyja rajony horada, i, jak śviedčać miascovyja ŭłady, rasijskija vojski sprabavali — biespajapiachova — zachapić haradski vajenny špital. Uranku ŭdary nanosilisia pa płoščy Svabody — centralnaj płoščy horada, pa niekatorych zavodach i budynkach vajskovych i kadeckaj vučelniaŭ. Bambili taksama Čuhujeŭ, horad pad Charkavam. Tym nie mienš, ukraincy zdoleli zachavać horad pad svaim kantrolem, piša Wall Street Journal.

Toje, što Maskva pieraklučyłasia na bambiožku hramadzianskich abjektaŭ, śviedčyć pra novuju taktyku rasijskich vojskaŭ, nakiravanuju na demaralizacyju abaroncaŭ Ukrainy.

1 sakavika rasijskaje Minabarony abviaściła, što jano płanuje ataku na abjekty ŭ centry Kijeva, jakimi Ukraina karystajecca dla raźviedki i kamunikacyi, bo jany nibyta byli ŭžytyja dla «infarmacyjnych atak suprać Rasii», i zaklikała miascovych žycharoŭ pakinuć svaje damy ŭ metach biaśpieki. Zamiežnyja dypłamaty, jakija jašče zastalisia ŭ Kijevie, paličyli heta prykmietaj taho, što čakajecca vialikaja ataka na žyłyja rajony, i častka piersanału zamiežnych pasolstvaŭ źjechała z ukrainskaj stalicy.

Paśla hetaj zajavy pad udar trapiła televyška ŭ Kijevie, u vyniku čaho 5 mirnych žycharoŭ zahinuła, a jašče 5 atrymali ranieńni. Taksama paśla ataki časova parušyłasia tranślacyja ŭkrainskich centralnych telekanałaŭ.

Televyška, pra jakuju idzie havorka, była pabudavanaja ŭ 1973 hodzie. Jana znachodzicca na terytoryi miemaryjała Babij Jar, dzie padčas Druhoj suśvietnaj vajny nacysty zabili šmat kijeŭskich jaŭrejaŭ. Pry hetym meta vajny, raźviazanaj Pucinym — nibyta denacyfikacyja Ukrainy. Jon chłuśliva śćviardžaje, što prezident Ukrainy Zialenski, jaki maje jaŭrejskaje pachodžańnie, taksama nieanacyst i staŭlenik ZŠA.

Žorstkija abstreły ŭ Charkavie

U 8.01 ranicy 1 sakavika pad rakietny abstreł trapiła charkaŭskaja płošča Svabody. U vyniku ataki zahinuła 7 čałaviek, 24 atrymali ranieńni. Paźniej pad novyja ŭdary trapili žyłyja rajony horada, achviarami stali dziasiatki ludziej, razburanyja dziasiatki damoŭ.

Paralelna z hetym źjavilisia prykmiety, što rasijskija siły zabuksavali pad Kijevam. Pryčyny hetaha, kaža pradstaŭnik amierykanskaha Minabarony, niedachop ježy i paliva, supraciŭ ukraincaŭ. Tamu ciapier rasijskija vojski sprabujuć pierahrupiravacca.

1 sakavika Uładzimir Zialenski vystupiŭ z emacyjanalnym videazvarotam pierad Jeŭraparłamientam. Jon skazaŭ, što ŭkraincy pamirajuć u baraćbie za vyžyvańnie krainy, i zaklikaŭ jeŭradeputataŭ dakazać, što jany padtrymlivajuć Ukrainu.

1 sakavika Zialenski taksama pahutaryŭ pa telefonie z Džo Bajdenam. Bolš za 30 chvilin lidary abmiarkoŭvali mahčymuju dapamohu Ukrainie z boku ZŠA. U toj ža dzień Bajden farmalna abviaściŭ zabaronu dla rasijskaj avijacyi na karystańnie amierykanskaj avijaprastoraj.

Rasijskija vojski prasoŭvajucca pa terytoryi Ukrainy bolš pavolna, čym čakałasia, bo sutykajucca z žorstkim supraciŭleńniem ukraincaŭ i łahistyčnymi prablemami. Pradstaŭnik amierykanskaj ŭłady śćviardžaje, što, pa niekatorych danych, častka rasijskich sałdat zdajecca ŭ pałon, i ŭ rasijskaj armii słaby bajavy duch. Pry hetym niama prykmiet, što Rasija admoviłasia ad zachopu Kijeva.

Tym nie mienš, u apošni čas rasijskija vojski prasunulisia na terytoryi Ukrainy ŭ paŭnočna-ŭschodnim i paŭnočna-zachodnim kirunku, a taksama zachapili rajony Chiersona, Mielitopala i Biardzianska. U Chiersonie, Sumach, Čarnihavie, Maryupali, Traściancy, vakoł Charkava, a taksama ŭzdoŭž miažy «DNR» i «ŁNR» praciahvajucca žorstkija bai.

Ukrainskija vojski ŭpieršyniu pierajšli ŭ kontrnastup u Mikałajeŭskaj vobłaści i pad Horłaŭkaj. Učora ŭ Mikałajeŭskaj vobłaści ŭkrainskaja armija i siły terytaryjalnaj abarony raźbili značnuju rasijskuju kałonu. U pryvatnaści, žychary rajcentra Baštanka zachapili i spalili kompleks «Pancyr-S». Videa i fotaśviedčańni fiksujuć jaho, jak i šmatlikich rasijskich pałonnych.

Pałonnyja rasijskija vajskoŭcy kala pomnika vyzvalicielam Mikałajeva, 2 sakavika. Fota z sacsietak.

Pałonnyja rasijskija vajskoŭcy kala pomnika vyzvalicielam Mikałajeva, 2 sakavika. Fota z sacsietak.

Клас
0
Панылы сорам
0
Ха-ха
0
Ого
0
Сумна
0
Абуральна
0