«Pieršy dzień byŭ dastatkova farmalnym. Pasłuchali pakazańni pazoŭnika z «Vodakanała», jaki tłumačyŭ, jak mienavita była naniesienaja škoda, ale šmat čaho jon nie viedaŭ, błytaŭsia. To navat skazali, kab prysłali taho, chto moža patłumačyć usio», — kaža Paŭlina.

U zału zmahli trapić usiaho adzinaccać čałaviek: šeść svajakoŭ, a taksama piać čałaviek, jakija pryjšli padtrymać «našaniŭcaŭ».

«Chłopcy simpatyčnyja: Andrej nadzieŭ bajku ź Mikałajem Radziviłam «Čornym», Jahor — majku z nadpisam «Radzima». Sudździa navat pałochała ich administracyjnaj adkaznaściu za pieramaŭleńni miž saboj. Viasiołyja jany navat, ja b skazała. Tolki ŭ faje zmahła kryknuć Andreju, što lublu jaho. Słovam pieramovicca było niemahčyma, navat žestykulavać, to my razmaŭlali nievierbalna ŭvieś čas», — kaža Paŭlina Skurko.

Ni Marcinovič, ni Skurko nie vykazali svajho staŭleńnia da spravy, pavodle jakoj ich sudziać. Źbirajucca heta zrabić u druhoj častcy pracesa, kali dojdzie da ich dopytaŭ.

Sud praciahniecca ab 11-j ranku 2 sakavika.

Nahadvajem, što Andreja i Jahora abvinavačvajuć pa č. 2 art. 216 Kryminalnaha kodeksa (pryčynieńnie majomasnaj škody biez prykmietaŭ kradziažu, učynienaje hrupaj asobaŭ z papiaredniaj zmovy abo ŭ bujnym pamiery). Maŭlaŭ, apłačvali kamunalnyja pasłuhi dla redakcyi adpaviedna taryfam nie dla jurydyčnych asobaŭ, a dla fizičnych. Im pahražaje da piaci hadoŭ źniavoleńnia.

Na sudzie ahučyli ličby škody, jakuju Jahor i Andrej nibyta nanieśli: «Minskenierha» — 9866 rubloŭ i 20 kapiejek, a «Minskvodakanału» — 250 rubloŭ i 70 kapiejek. Ahulnaja suma składaje 10 116 rubloŭ i 90 kapiejek, jaje abvinavačanyja kampiensavali.

Клас
0
Панылы сорам
0
Ха-ха
0
Ого
0
Сумна
0
Абуральна
0