Chłopiec rastłumačyŭ sudździ Michaiłu Makareviču, što ruchaŭsia ŭ bok CUMa, ale na moście spyniŭsia aŭtazak, vyjšli try siłaviki i schapili jaho. Chłopiec śćviardžaje, što pobač nie było masavych mierapryjemstvaŭ, jon byŭ adzin, a hrupa ludziej znachodziłasia na adlehłaści 300 mietraŭ, paviedamlajuć pravaabaroncy.

Milicyjant na sudzie kazaŭ, što da ich pastupiła infarmacyja, što kala 19:00 źbirajucca ludzi kala płoščy Pieramohi. Tam siłaviki nazirali, jak Illa razam z astatnimi vykrykvaŭ łozunhi «Nie vajnie!» i «Nie niezakonnamu refierendumu!».

U pratakole pa art. 24.23 KaAP (udzieł u masavych mierapryjemstvach) byŭ paznačany niapravilny čas, ale sudździa nie źviarnuŭ uvahi, bo «całkam daviaraje śviedku». Vynik suda:

«Uličvajučy vaš stan zdaroŭja i toje, što vy akazvajecie dapamohu maci i babuli, sud pryznačaje vam aryšt na 15 sutak. Usiaho dobraha vam, da pabačeńnia».

Клас
0
Панылы сорам
0
Ха-ха
0
Ого
0
Сумна
0
Абуральна
0