Rasijska-biełaruskija vučeńni na terytoryi Biełarusi niedaloka ad miažy z Ukrainaj. Fota Minabarony Rasii.
Paviedamlajecca, što ŭ śpisie, akramia ŭkrainskich palitykaŭ i hramadskich dziejačaŭ, jość i biełaruskija dy rasijskija dysidenty, jakija žyvuć va Ukrainie.
Raniej siońnia pradstaŭnik ZŠA u ABSIE Majkł Karpienter zajaviŭ, što, pavodle acenak ZŠA, Rasija skancentravała ad 169 000 da 190 000 vajskoŭcaŭ na zachoplenych terytoryjach Ukrainy i kala jaje miežaŭ.
Akramia taho, Karpienter dadaŭ, što ZŠA majuć paviedamleńni z šerahu krynic pra toje, što Rasija rychtujecca sfabrykavać niejkuju «ŭkrainskuju pravakacyju», jakaja apraŭdała b napad Rasii na Ukrainu.
Siońnia kiraŭnictva maryjanietačnych Danieckaj i Łuhanskaj «narodnych respublik» abvieściła ŭsieahulnuju evakuacyju nasielnictva ŭ Rasiju, choć Ukraina nie raz zajaŭlała, što nie maje namieru ni nastupać, ni viartać hetyja terytoryi siłaj zbroi, a raźličvaje vyklučna na dypłamatyju.
Pra toje, što Rasija raspracavała płan napadu na Ukrainu, kiraŭnictva ZŠA i raźviedki krain NATA havorać z vosieni.
Napad Rasii na Ukrainu pryviadzie da źmieny taho ŭładkavańnia Jeŭropy, jakoje ŭźnikła paśla Druhoj suśvietnaj vajny i pieražyło mirnuju transfarmacyju padčas raspadu SSSR.
Administracyja Bajdena, adznačaje krynica Foreign Policy, była ździŭlenaja tym, nakolki detalovyja śpisy ludziej, jakija padlahajuć niejtralizacyi, — tych, chto moh by kinuć vyklik rasijskamu kantrolu.
Vydańnie cytuje Franaka Viačorku, daradcu lidara biełaruskaj apazicyi Śviatłany Cichanoŭskaj. Viačorka adznačaje, što jaho kamanda padrychtavała nabor kankretnych rekamiendacyj dla biełarusaŭ, jakija žyvuć va Ukrainie, u vypadku napadu Rasii, ale kamanda Cichanoŭskaj nie atrymlivała infarmacyi pra kankretnuju pahrozu biełaruskim dysidentam, jakija znajšli prytułak va Ukrainie.
Vystupajučy na pasiadžeńni Rady Biaśpieki Arhanizacyi Abjadnanych Nacyj u čaćvier, dziaržsakratar ZŠA Entani Blinkien namalavaŭ padrabiaznuju i tryvožnuju karcinu taho, jak moža vyhladać rasijskaje ŭvarvańnie va Ukrainu, pačynajučy sa stvareńnia łžyvaj padstavy dla ŭvarvańnia. Tak, Rasija śćviardžaje, što ŭkrainskija ŭzbrojenyja siły ździajśniajuć «hienacyd» ruskamoŭnaha nasielnictva Ukrainy — śćviardžeńnie, jakoje nie maje pad saboj nijakich padstaŭ. Straty hramadzianskaha nasielnictva padčas vajny ŭ Čačni byli ŭ razy, kali nie ŭ dziasiatki razoŭ bolšyja, čym u Danbasie.
«Dalej płanujecca pačać ataku, — skazaŭ Blinkien. — Rasijskija rakiety i bomby buduć padać pa ŭsioj Ukrainie. Suviaź budzie zabłakavanaja. Kibierataki pryviaduć da zakryćcia klučavych ukrainskich ustanoŭ». Paśla hetaha, pavodle jaho słoŭ, rasijskija tanki i sałdaty «buduć prasoŭvacca pa klučavych celach, jakija ŭžo vyznačanyja i akreślenyja ŭ padrabiaznych płanach. Jość padstavy mierkavać, što hetyja celi ŭklučajuć (…) stalicu Ukrainy, Kijeŭ, horad z nasielnictvam 2,8 miljona čałaviek».
U svaim vystupie Blinkien koratka spasłaŭsia na źviestki vyviedki ZŠA, jakija pakazvajuć, što Rasija zapłanavała masavyja čystki: «I vajennyja ŭdary — heta nie ŭsio, što Rasija płanuje nanieści Ukrainie. U nas jość infarmacyja, jakaja ŭkazvaje na toje, što Rasija nacelenaja na kankretnyja hrupy ukraincaŭ».
Kiraŭniki Ukrainy kateharyčna abvierhli płany Kijeva pačać nastupalnuju apieracyju ŭ rehijonie, nazvaŭšy hetyja śćviardžeńni rasijskaj dezynfarmacyjaj.
Papiaredžańnie Ukrainy dy inšych sajuźnikaŭ ab patencyjnych płanach Rasii adpaviadaje novaj taktycy Vašynhtona pa chutkim rassakrečvańni kanfidencyjnych raźvieddanych, kab papiaredzić dziejańni Maskvy. ZŠA i kiraŭniki jeŭrapiejskich krain nieadnarazova zajaŭlali, što rašeńnie ab tym, ci varta ŭryvacca va Ukrainu, budzie prymać asabista prezident Rasii Uładzimir Pucin.
Čytajcie taksama:
Kryłatyja rakiety z «Iskanderaŭ». Voś čamu Ukraina nie vytrymała b poŭnamaštabnaj vajny z Rasijaj i Biełaruśsiu
Novy ŭzrovień supraćstajańnia z Zachadam. Pra što śviedčać zajavy Pucina i Łukašenki
«Nie ŭsie ŭ Kijevie zrazumieli». Jak razychodzilisia amierykanskaja i ŭkrainskaja stratehii strymlivańnia Rasii
Pahroza ŭvarvańnia Rasii va Ukrainu pavinna chvalavać kožnaha. Historyk Juval Noj Charary — pra toje, što čałaviectva moža stracić
Čamu Zachad tak hučna bje tryvohu nakont Ukrainy? Zdajecca, heta admysłovaja infarmacyjnaja apieracyja
