Analena Bierbak.
«Uvod rasijskich vojskaŭ — heta zusim nieprymalnaja pahroza. Nie tolki pa adnosinach da Ukrainy, ale i pa adnosinach da ŭsich nas i našaj architektury biaśpieki ŭ Jeŭropie. Tamu hety kryzis nie źjaŭlajecca ukrainskim. Heta rasijski kryzis», — zajaviła Bierbak.
Jana taksama zaklikała Rasiju nieadkładna advieści svaje vojski ad ukrainskich miežaŭ, u advarotnym vypadku buduć uviedzienyja «biesprecedentnyja» sankcyi.
«My poŭnyja rašučaści ŭ dačynieńni zachadaŭ, jakija rychtujucca na vypadak, kali Rasija pačnie dziejańni suprać Ukrainy. U vypadku interviencyi buduć uviedzienyja biesprecedentnyja sankcyi», — skazała ministarka i dadała, što havorka idzie pra palityčnyja, finansavyja i ekanamičnyja nastupstvy dla Rasii.
Pry hetym jana padkreśliła, što nie chacieła b takoha raźvićcia padziej i paćvierdziła hatoŭnaść da surjoznaha dyjałohu z Maskvoj pa pytańniach biaśpieki i miru ŭ Jeŭropie. Jana adznačyła, što jany vystupajuć za terytaryjalnuju cełasnaść i suvierenitet Ukrainy, ale dadała, što tolki kraina i pierš za ŭsio jaje žychary mohuć vyrašać takoje pytańnie.