«Kali jany vyrašać być tam razam, to značyć jany buduć razam. Ale heta budzie zaležać ad rašeńnia kiraŭnikoŭ dziaržaŭ», — skazaŭ Piaskoŭ.
Sumiesnaje nazirańnie za vučeńniami anansavaŭ učora Alaksandr Łukašenka. Pavodle jaho słoŭ, razam z Pucinym jany buduć sačyć za imi 19 lutaha.
Siońnia ŭ Rasii aficyjna abviaścili, što Uładzimir Pucin maje namier kiravać vučeńniami sił stratehičnaha strymlivańnia, u ramkach jakich buduć vykananyja puski balistyčnych i kryłatych rakiet. Jak rastłumačyŭ Piaskoŭ, Pucin płanuje sačyć za puskami ź situacyjnaha centra.
«Pucin, chutčej za ŭsio, budzie znachodzicca ŭ situacyjnym centry. Takija vučeńni, anałahičnyja trenirovačnyja puski niemahčymyja biez kiraŭnika dziaržavy. Vy viedajecie pra znakamity čorny čamadančyk, pra čyrvonuju knopku i hetak dalej. Jak kankretna (budzie ŭdzielničać) — heta nie publičnaja infarmacyja», — skazaŭ Piaskoŭ.
