Fota ilustracyjnaje.
16 lutaha Nieŭmiaržyckamu spoŭniłasia b 52 hady.
«Jon nikudy nia moh uładkavacca na pracu praz svaju pazycyju. Aktyŭna ŭdzielničaŭ u kampanijach suprać darmajedskaha dekreta ŭ 2017-m, u akcyjach suprać intehracyi ŭ 2019-m, u vybarach i padziejach paśla ich u 2020 hodzie. Zaznaŭ pieratrusy, «sutki», vykliki na hutarki, u jaho zabirali techniku.
Až i na pachavańnie pryjechała milicyja. Siadzieli ŭ «sinim busie» kala rytualnaj zały, dzie było raźvitańnie. Jakaja padstava addavać takuju ŭvahu śmierci i pachavańniu Uładzimira? Paśla śmierci niama supakoju. Chutčej za ŭsio, heta žach, jaki achapiŭ hetych «pieramožcaŭ», i jon žyvie ŭ ich, jany žyvuć ź im», — skazaŭ Svabodzie ziamlak Uładzimira.
«Jon byŭ mocny, niazłomny čałaviek»
Znajomaja Uładzimira była ŭčora ŭ jaho na pachavańni.
«Jon chvareŭ niedzie 3—4 miesiacy. Navat u špital, za dzień da jaho śmierci prychodziła milicyja. Učora na pachavańni było tak: idziom my ź viankami da rytualnaj zały, i idzie taki naš miascovy «krasaviec», nu viedajecie, chto ŭ nas takija samyja pryhožyja. I staić sini bus taniravany.
Na pachavańnie na mohiłki ja pryniesła bieł-čyrvona-bieły ściah. Tamu što ja viedała, jak jaho mocna pavažaŭ Uładzimir, jak dla jaho heta było vielmi važna. Ja chacieła dastać ściah z pakunku, ale mnie prašaptali, što za nami sočać «krasaŭcy», — skazała znajomaja Uładzimira.
Nieŭmiaržycki byŭ zaŭziataram futbolnaha kłuba «Słavija» (Mazyr). Na pachavańnie pryjšli inšyja zaŭziatary, u jahonuju trunu jany pakłali firmovyja šaliki ź simvolikaj «Słavii».
«Vielmi baluča, što Uładzimir pamior. Jon byŭ taki niazłomny, moh być navat i hruby, kali adstojvaŭ svaje idei, naprykład, u sudzie. Jon byŭ za svaju krainu, za pieramieny. Ja dumaju, što hetyja pieratrusy, vykliki ŭ milicyju, zatrymańni padarvali jahonaje zdaroŭje», — dadała znajomaja.
Čytajcie taksama:
U Mazyry pamior 51-hadovy Uładzimir Nieŭmiaržycki. U 2020 hodzie jon byŭ adnym sa statkievickich «kandydataŭ pratestu»
