16.02.2022
/ 19:09 / Ałharytmičny łacinski varyjant
U Maskvie zatrymali viadomaha błohiera, palitołaha Valeryja Sałaŭja
Spačatku paviedamlałasia, što Sałaŭja razam z synam zatrymali jak śviedku pa kryminalnaj spravie. Paśla ž, pa źviestkach rasijskich ŚMI, u dačynieńni da jaho raspačali spravu pa č. 2 art. 282 KK (uzbudžeńnie nianaviści albo varožaści). Pa hetym artykule pahražaje da 6 hadoŭ źniavoleńnia.
Ciaham 11 hadoŭ Sałaviej byŭ prafiesaram MHIMO, adnak paśla zakančeńnia kantrakta ŭ 2019 hodzie jon paviedamiŭ, što kiraŭnictva VNU nibyta nie zachacieła bolš pracavać ź im, bo jon «viadzie antydziaržaŭnuju prapahandu» i «padryvaje palityčnuju stabilnaść».
Paśla zvalnieńnia ŭžo eks-prafiesar nieadnarazova rabiŭ hučnyja zajavy na hramadska-palityčnyja temy. Jon viadomy svaimi niezvyčajnymi zvodkami pra zdaroŭje pieršych asob Rasii i nieadnaznačnymi palityčnymi prahnozami.
Nashaniva.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
