«Hałoŭnaja asablivaść minułaha hoda — tak zvanaja impartnaja inflacyja. Rekordnyja pakazčyki pa inflacyi adznačanyja ŭ krainach-susiedziach, u našych handlova-ekanamičnych partnioraŭ.
My ŭvozim syravinu dla svajoj vytvorčaści, kamplektujučyja, tavary krytyčnaha impartu. Viadoma, heta razahraje našu ŭnutranuju inflacyju, pakolki raście sabiekošt pradukcyi ŭ našych tavaravytvorcaŭ, jakija vykarystoŭvajuć impartnuju syravinu. Tamu ŭ biahučym hodzie nam nieabchodna budzie pravodzić pracu pa źnižeńni sabiekoštu», — skazaŭ Alaksiej Bahdanaŭ.
Pavodle jaho słoŭ, takaja praca ŭklučaje baraćbu na konkursnych pracedurach za bolš nizki košt nabytaha tavaru, aptymizacyju biznes-pracesaŭ na kožnym pradpryjemstvie.
«My pavinny budziem bolš nasyčać našy palicy ajčynnaj pradukcyjaj, jakaja apryjory budzie tańniejšaja za impartnuju», — adznačyŭ ministr.
Akramia taho, u płanach pryniać šerah narmatyŭnych pravavych aktaŭ. Siarod ich ukaz, dzie budzie sistematyzavacca sistema dziaržrehulavańnia i buduć «aptymizavanyja» niekatoryja vidy dziaržaŭnych zakupak.
Čytajcie taksama:
Ministr handlu raskazaŭ, jak budzie trymać ceny na łancuhu
MARH znajšoŭ, chto zavyšaje ceny na harodninu. Bujnym sietkam dali štrafy
Biełstat: Za hod ceny na pradukty vyraśli na 12 pracentaŭ
«Kraina stračvaje mahčymaści raźvićcia». Ekanamisty pra toje, što budzie z cenami i zarobkami biełarusaŭ u 2022 hodzie
