«Ja nie chaču hetaj virtualnaj vajny i chiejtu. Hałoŭnaja vajna ciapier — heta źniešniaja, jakaja pryjšła ŭ maju krainu ŭ 2014 hodzie. Ja nie chaču dalej być u hetaj brudnaj historyi. Ź ciažkim sercam ja zdymaju svaju kandydaturu ŭ jakaści pradstaŭnika Ukrainy na konkursie «Jeŭrabačańnie». Na žal, mnie sapraŭdy vielmi škada», — napisała jana.
Skandał z vynikami ŭkrainskaha adboru na «Jeŭrabačańnie» razraziŭsia paśla pieramohi Aliny ŭ nacyjanalnym adbory.
Alina Paš naviedvała akupavany Krym u 2015 hodzie. Dziaŭčynu abvinavacili ŭ tym, što jana ŭjazdžała tudy praz Rasiju, što źjaŭlajecca parušeńniem zakonaŭ. U suviazi z hetym Paš pradastaviła daviedku, nibyta ad Pamiežnaj słužby Ukrainy, ab zakonnym pierasiačeńni miažy.
Ale paźniej viedamstva zajaviła, što nie vydavała pieramožcy nacadboru taki dakumient. Raźbiralnictva praciahvajecca.
Nahadajem, što ŭ finale ŭkrainskaha adboru vystupaŭ i biełaruski śpiavak Majkł Soŭł.
