Fota: SenateKz / wikimedia.org
«Deputat usio jašče ŭ adpačynku biez zachavańnia zarobku», — skazali ŭ pres-słužbie parłamienta, paviedamlaje RBK.
Daryha Nazarbajeva — člen kamiteta pa ekanamičnaj reformie i rehijanalnym raźvićci. Jana nie pakazvajecca na pasiadžeńniach z pačatku studzienia, kali pa Kazachstanie prakaciłasia chvala pratestaŭ.
12 studzienia pamočnica Nazarbajevaj paviedamiła, što deputat zaraziłasia karanavirusam i znachodzicca doma ŭ Ałmaty. 1 lutaha pamočnica raspaviała, što Nazarbajeva znachodzicca ŭ Astanie. Deputat uziała adpačynak za svoj košt i praciahvaje prachodzić kurs reabilitacyi, dadała jana. 16 lutaha deputat znoŭ prapuściła pasiadžeńnie Mažylisa.
Na pačatku hoda ŭ Kazachstanie prajšli masavyja pratesty. Jany pačalisia paśla rezkaha rostu cen na zvadkavany haz. Paźniej demanstranty pierajšli da palityčnych patrabavańniaŭ, u pryvatnaści zaklikali da poŭnaha sychodu Nazarbajeva z palityki. Paśla pratesty pieraraśli ŭ biesparadki.
Na fonie biesparadkaŭ Takajeŭ źmiaściŭ Nazarbajeva z pasady kiraŭnika Rady biaśpieki krainy, a taksama zamiest jaho ŭznačaliŭ kirujučuju partyju «Nur Atan». Daryha Nazarbajeva, u svaju čarhu, nie ŭvajšła ŭ abnoŭleny skład biuro palitrady partyi «Nur Atan».
