Uładzimir Hančaroŭ raniej byŭ prysudžany da adnaho z pałovaj hadoŭ kałonii pa «spravie karahodaŭ» u Breście.
A 1 lutaha sud Leninskaha rajona Mahilova pryhavaryŭ jaho jašče da dvuch hadoŭ «chimii».
Novuju kryminalnuju spravu na Uładzimira Hančarova zaviali za kamientar u telehram-kanale, pryznanym u Biełarusi ekstremisckim. Jon byŭ skiravany na adras supracoŭnika DPS DAI z Horak Juryja Dziamjanaviča. Svajoj viny Hančaroŭ u sudzie nie pryznaŭ.
Šlacham častkovaha składańnia pakarańnia sudździa Aksana Ratnikava kančatkova prysudziła mužčynu da 2 hadoŭ pazbaŭleńnia voli ŭ kałonii ahulnaha režymu.
Nahadajem, što takim ža čynam, druhi raz i za kamientar, niadaŭna asudzili palityčnuju źniavolenuju Volhu Kłaskoŭskuju, jana atrymała dva z pałovaj hady kałonii.
Čytajcie taksama:
«Pakinuła sud sa słovami «Žyvie Biełaruś». Dla ŭžo asudžanaj Volhi Kłaskoŭskaj prakuror paprasiŭ 2,5 hoda kałonii pa novaj spravie
Da 1,5 hady kałonii: u Breście asudzili čarhovuju partyju pa «spravie karahodaŭ»
