U tym liku za hod zvolnili 37 861 čałavieka za prahuły i inšyja parušeńni pracoŭnaj dyscypliny. Kolkaść takich zvalnieńniaŭ vyrasła na 2,75%.
U śniežni byŭ zvolnieny 48 121 čałaviek, u tym liku 3055 za prahuły i parušeńni. Kolkaść apošnich vyrasła na 9,7% u paraŭnańni z anałahičnym miesiacam 2020 hoda.
Za 2021 hod na pracu byli pryniatyja 668 842 čałavieki. Pakazčyk źniziŭsia na 0,15% u paraŭnańni z anałahičnym pieryjadam 2020 hoda. U śniežni na pracu ŭładkavalisia 42 907 čałaviek, abo na 3,5% bolš, čym za anałahičny miesiac 2020 hoda.
Takim čynam, kolkaść zvolnienych pieravysiła kolkaść pryniatych na pracu na 70 470 čałaviek u 2021 hodzie.
Najbolšy pryrost pracaŭładkavanych u minułym hodzie adznačaŭsia ŭ IT. Tut na pracu za hod było pryniata 19 670 čałaviek, što ŭ 1,5 raza bolš, čym u 2020 hodzie. U farmaceŭtycy kolkaść pryniatych na pracu bolš na 44,6% u paraŭnańni z 2020 hodam. U drevaapracoŭcy i palihrafii pryrost skłaŭ 32,3%, u lesavodstvie i lesanarychtoŭkach — 19,3%, u mašynabudavańni — na 18,1%.
U dva razy skaracili ŭ minułym hodzie pryjom na pracu arhanizacyi, jakija zajmajucca buchhałtarskim ulikam, kiravańniem, dziejnaściu ŭ halinie prava, na 11,3% — hornazdabyvajučaja pramysłovaść.
