Staršynia Kamiteta pa achovie zdaroŭja Minharvykankama Alena Bohdan skazała adnosna siońniašnich prablem z pryjomam u paliklinikach:
«Čerhi ŭ palikliniki źviazanyja z tym, što siońnia pieršy pracoŭny dzień paśla vychadnych, a taksama nazirajecca rost zachvorvańnia ORVZ i karanavirusam štamu «amikron», jaki zaraz praciakaje, u bolšaści vypadkaŭ, jak vostraja reśpiratornaja infiekcyja».
Pavodle jaje, u druhoj pałovie dnia abstanoŭka ŭ paliklinikach stabilizavałasia. Bohdan taksama paviedamiła, što ŭ pacyjentaŭ, jakija źviarnulisia na pryjom, ciažkaha praciakańnia zachvorvańnia vyjaŭlena nie było. U asnoŭnym chvaroba praciakaje ŭ lohkaj formie.
Pavodle papiarednich źviestak Minzdaroŭja, 31 studzienia lekary ŭ roznych paliklinikach stalicy pryniali ad 400 da 450 pacyjentaŭ. Akramia taho, dla ahladu chvorych doma ŭ Minsku siońnia pracavali 217 kantaktnych bryhad, ź ich 172 miedycynskija i 45 siastrynskich. Za minuły tydzień kolkaść bryhad była pavialičanaja na 88. Nahruzka na adnu bryhadu skłała ŭ siarednim 40-45 pacyjentaŭ.
Čytajcie taksama:
Minzdaroŭja: Ranišnija čerhi ŭ paliklinikach nie źviazanyja z rostam kolkaści vypadkaŭ «amikrona»
Katastrofa ŭ paliklinikach. Hihanckija čerhi na čatyry-šeść hadzin, sotni ludziej u kalidorach
«Kali vy chočacie prosta zdać test, adkładzicie heta» — kiraŭnica Kamiteta achovy zdaroŭja Minska pra čerhi
Doktar-infiekcyjanist na bryfinhu Minzdaroŭja: Kali vy pa-naplavacielsku staviciesia da navakolnych, rodnych, to možacie nie nasić maski
