Miesca, dzie adbyłasia trahiedyja. Fota Śledčaha kamiteta.
Uvieś hety čas ratavalnikami pažarnaha avaryjna-vyratavalnaha atrada «Viciaź» i vadałazami Tavarystva vyratavańnia na vodach praciahvalisia pošukavyja raboty.
«Pavodle apieratyŭnaj infarmacyi, u 11.17 cieła dziciaci 2011 hoda naradžeńnia było znojdziena vadałazami na adlehłaści 700 m ad miesca ŭtapleńnia (pryblizna kala 30 m ad bieraha) na hłybini 3,5—4 m. Na miescy sa svajakami pracujuć psichołahi MNS», — raspaviali ŭ Viciebskim abłasnym upraŭleńni MNS.
Nahadajem, što 29 śniežnia 2021 hoda kala 16:00 dzieci ź vioski Kaźjanki Połackaha rajona pajšli katacca na horku kala raki. Imianińnik taho dnia, 10-hadovy chłopčyk, vyrašyŭ pravieryć taŭščyniu lodu na race. Adnak padyšoŭšy da kraju pałonki, jon pravaliŭsia ŭ vadu.
Jaho 12-hadovy siabar sprabavaŭ jamu dapamahčy vybracca, adnak taksama apynuŭsia ŭ vadzie. Dziaŭčynka paklikała na dapamohu svajho brata. Jon sprabavaŭ dapamahčy, ale prapłyŭšy pa pałoncy kala 500 mietraŭ, dzieci syšli pad vadu. I doŭhi čas ich cieły nie mahli znajści.
Čytajcie taksama:
Znajšli cieła adnaho z chłopčykaŭ, jakija patanuli ŭ Dźvinie pierad Novym hodam
Trahiedyja pad Połackam: na Dźvinie pravalilisia pad lod dvoje chłopčykaŭ. U adnaho ź ich byŭ dzień narodzinaŭ
