Dziaŭčyna 20-hadovaha Hrynvuda Cheryjet Robsan vykłała ŭ storys instahrama žudasnyja fota. U jaje mocna raźbitaja huba, a taksama šmat hiematom na rukach, nahach i tvary. U adnoj sa storys Robsan piša: «Dla ŭsich, chto chacieŭ viedać, što Mejsan Hrynvud na samoj spravie robić sa mnoj».
Taksama dziaŭčyna vykłała aŭdyjazapis, na jakim čuvać hołas Hrynvuda. Na apublikavanym zapisie futbalist vielmi hruba prymušaŭ Cheryjet da seksu.
«Mančestar Junajted» vypuściŭ zajavu, dzie paznačyŭ, što adchiliŭ Hrynvuda ad trenirovak i hulniaŭ na niavyznačany termin.
Chatni hvałt — kryminalnaje złačynstva ŭ Vialikabrytanii, za jaho možna atrymać 5 hadoŭ źniavoleńnia, za seksualnyja złačynstvy — ad 4 da 7. U zaležnaści ad stupieni źbićcia abvinavačvańnie moža prymianić i bolš surjozny artykuł.
