Ivan Krasoŭcki-małodšy — toj samy chłopiec, jaki paśla źvierstvaŭ u žniŭni 2020-ha niekalki tydniaŭ pravioŭ u invalidnym vazku. Jaho historyju padrabiazna raskazvała «Viasna». 

Ivan Krasoŭski-małodšy.

Ivan Krasoŭski-małodšy.

«Ja vielmi mocna chacieŭ u tualet. Kali pryjechaŭ na vakzał, ja dumaŭ, pakuru i schadžu tam. Ale mianie zatrymali. Ja adrazu pačaŭ zajaŭlać supracoŭnikam milicyi, što ja chaču ŭ prybiralniu, ale mianie nie puskali. I kali supracoŭniki HUBAZiKa daviedalisia, što ja chaču ŭ prybiralniu, jany mnie «prabili» pad mačavik, i ja tam abascaŭsia. Ja dakładna nie viedaju, zdymali jany videa, ale, chutčej za ŭsio, zdymali. Paśla hetaha jany pačali śmiajacca, prynižali mianie», — tak chłopiec kazaŭ pra pieršaje svajo zatrymańnie. 

Jon u detalach paviedamlaŭ, što pieražyŭ na Akreścina. 

«Mianie vykinuli z busika na ziamlu, ja ničoha nie bačyŭ, uvieś čas hladzieŭ u ziamlu. Źniali kajdanki i pačali bić. Prosta bili z usich sił. Bili za tatuiroŭku, bili za branzalety, bili za holenyja vałasy, za šmat što. Prymušali kryčać «Lublu AMAP».

Pieršapačatkova ja taki kažu: «Ja nie lublu fašystaŭ». Paśla hetaha jany ŭzłavalisia, mianie bili, napeŭna, chvilinu bieź pierapynku. Paśla hetaha ja zrazumieŭ, što treba ich słuchacca, usio, što jany prasili, ja rabiŭ. Ja kryčaŭ «Lublu AMAP». Jany ŭsio roŭna mianie bili. Pakul u mianie źviazki nie rvalisia, ja kryčaŭ «Lublu AMAP».

Pierastavali bić, pačynali kazać: «Kryčy «Žyvie Biełaruś!» Ja nie kryčaŭ «Žyvie Biełaruś!» tamu, što razumieŭ, što mianie, chutčej za ŭsio, taksama buduć źbivać. Jany mianie ŭsio roŭna bjuć. Ja kryču: «Žyvie Biełaruś!» — mianie znoŭ pačynajuć źbivać. Paśla pačynali kryčać «Hańba! Hańba!» — taksama źbivali», — apisvaŭ jon. 

Cieła Ivana Krasoŭskaha paśla Akreścina. Fota: MaksLongLive.

Cieła Ivana Krasoŭskaha paśla Akreścina. Fota: MaksLongLive.

24 vieraśnia 2020-ha chłopca zatrymali ŭ druhi raz, pa kryminałcy. Na toj momant jamu było 18 hod. 

Abvinavačyvali chłopca pa č. 2 art. 293 Kryminalnaha kodeksa — «Udzieł u masavych biesparadkach». Nibyta za «pierakryćcio darohi» kala «Ryhi» ŭ noč z 10 na 11 žniŭnia. Ale spravu paźniej pierakvalifikavali na č. 1 art. 342 — «Arhanizacyja i padrychtoŭka dziejańniaŭ, jakija hruba parušajuć hramadski paradak». 

U vyniku chłopcu dali try hady chimii. Abvinavaŭcam na pracesie vystupała Anastasija Maliko, sudździa — Maryna Fiodarava

Chłopiec byŭ vyzvaleny ŭ zale suda da pačatku adbyćcia pakarańnia i zdoleŭ uciačy. Na pachavańnie jon naŭrad ci zmoža pryjechać.

Aproč jaho, u ekstremała Ivana Krasoŭskaha jość jašče adzin syn i dačka. 

Ad uskładnieńniaŭ karanavirusa pamior viadomy ekstremał Ivan Krasoŭski. Jamu było 40 hod

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?