Na fota — Katar

Na fota — Katar

Katar nazvali samaj biaśpiečnaj krainaj u śviecie dla padarožžaŭ u 2022 hodzie. Pra heta śviedčać źviestki analityčnaha servisu Numbeo, jaki paraŭnoŭvaje statystyku złačynstvaŭ roznych dziaržaŭ. Poŭnaja spravazdača apublikavanaja na aficyjnym sajcie arhanizacyi.

Tak, pavodle spravazdačy, indeks złačynnaści ŭ Katary składaje ŭsiaho 13,7 bała, a indeks biaśpieki — 86,2 bała. Na druhim miescy ŭ rejtynhu ź nievialikim adryvam ad lidara apynulisia Abjadnanyja Arabskija Emiraty — uzrovień biaśpieki ŭ krainie acanili na 84,8 bała. Na trecim i čaćviortym radku raźmiaścilisia Tajvań (84,1 bała) i Vostraŭ Men (81,3 bała) adpaviedna.

Taksama siarod najbolš spryjalnych dla padarožžaŭ krain adznačyli Aman (80 bałaŭ), Šviejcaryju (78,3 bała), Hankonh (78 bałaŭ), Japoniju (77,8 bała), Armieniju (77,8 bała) i Słavieniju (77,3 bała).

Biełaruś u śpisie biaśpiečnych na 116-m miescy sa 142 krain ź indeksam biaśpieki 41,59 i indeksam złačynnaści 58,41. Pierad nami Kyrhyzstan, Kałumbija, Samali, Hvatemała, Balivija. Za nami — Zimbabve, Livija, Paŭnočnaja Kareja.

Polšča — 29-ja, Litva — 36-ja, Rasija — 49-ja, Ukraina — 81-ja.

Zusim niebiaśpiečnyja — Handuras, Paŭdniovaja Afryka, Afhanistan, Papua-Novaja Hvinieja, Vieniesueła.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?