Złučanyja Štaty viaduć pieramovy z Kataram ab pastaŭkach dadatkovych abjomaŭ hazu ŭ Jeŭropu ŭ vypadku ŭvarvańnia Rasii va Ukrainu. 

«My sprabujem zrazumieć, što možna zrabić, kab padrychtavacca da takoha raźvićcia padziej, asabliva z ulikam zimy i vielmi nizkich zapasaŭ [pryrodnaha hazu ŭ jeŭrapiejskich schoviščach], — zajaviła vydańniu Financial Times vysokapastaŭlenaja krynica ŭ amierykanskaj administracyi. — My abmiarkoŭvajem, što na rynku možna pieranakiravać, što moža nam dapamahčy,<…> što možna padrychtavać da adpraŭki na vypadak, kali kryzis abvostrycca».

Pa słovach inšaha surazmoŭcy vydańnia, z Dochaj abmiarkoŭvajecca mahčymaść «zabiaśpiečyć doŭhaterminovyja harantyi enierhietyčnaj biaśpieki za košt pastavak zvadkavanaha pryrodnaha hazu (ZPH), asabliva z ulikam taho, što Katar značna pavialičyć vytvorčaść ZPH u bližejšyja niekalki hadoŭ».

Pry hetym surazmoŭcy vydańnia pryznajuć, što ŭ karotkaterminovaj pierśpiektyvie značna naraścić pastaŭki ZPH u Jeŭropu budzie vielmi niaprosta z-za pavyšanaha popytu na haz pa ŭsim śviecie. Adnak čakajecca, što Katar budzie hatovy pieranakiravać svaje tankiery z ZPH u Jeŭropu ŭ vypadku vajny va Ukrainie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?