Fota ilustratyŭnaje, Hintau_Aliaksey / depositphotos.com
Amatary žyvioł u Hankonhu ŭstryvožanyja žadańniem miascovych uładaŭ zabivać chamiakoŭ i inšych drobnych hryzunoŭ, u tym liku šynšył, trusoŭ i marskich śvinak, bo jany, maŭlaŭ, pieranosiać karanavirus.
Nieabyjakavyja ludzi stvaryli pietycyju, nakiravanuju na abaronu žyvioł, zaraz dakumient padpisali bolš za 36 tysiač čałaviek. Tavarystva pa praduchileńni žorstkaha abychodžańnia z žyviołami taksama asudziła varvarskaje rašeńnie. Vałanciory pierachopplivali kletki z chamiakami pad nosam u čynoŭnikaŭ.
U svaju čarhu, ułady pahražajuć zaaabaroncam sudami.
Chamiaki trapili pad padazreńnie paśla taho, jak 23-hadovaja supracoŭnica zaamahazina stała pieršym za try miesiacy čałaviekam, jaki zaraziŭsia delta-štamam karanavirusa.
Paśla taho miascovych žycharoŭ paprasili zdać usich chamiakoŭ, nabytych paśla 22 śniežnia minułaha hoda. Mienavita ŭ hety dzień u zaamahaziny Hankonha pastupiła novaja partyja hryzunoŭ, jakija mahli być zaražanyja karanavirusam.
Chamiaki raznosiać kavid?
