Entani Blinkien i Siarhiej Łaŭroŭ padčas sustrečy ŭ Ženievie 21 studzienia 2022 hoda.
«My vyrazna dali zrazumieć, što pierasiačeńnie miažy Ukrainy lubymi rasijskimi ŭzbrojenymi siłami budzie ličycca ŭvarvańniem, i na heta budzie chutki, žorstki i ŭzhodnieny adkaz z boku ZŠA, a taksama našych partnioraŭ i sajuźnikaŭ»,
— zajaviŭ na pres-kanfierencyi ŭ Ženievie 21 studzienia dziaržsakratar ZŠA Entani Blinkien. Pres-kanfierencyja pravodziłasia pa vynikach siońniašnich pieramoŭ ź ministram zamiežnych spraŭ Rasii Siarhiejem Łaŭrovym.
«Ja pieradaŭ Łaŭrovu pazicyju Złučanych Štataŭ i našych jeŭrapiejskich chaŭruśnikaŭ i partnioraŭ — my rašuča padtrymlivajem Ukrainu, jaje suvierenitet i terytaryjalnuju cełasnaść»,
— paviedamiŭ Blinkien.
Razmovu z Łaŭrovym kiraŭnik Dziarždepartamienta nazvaŭ «adkrytaj i hruntoŭnaj», dadaŭšy, što ZŠA pahadzilisia na nastupnym tydni pradstavić piśmovyja adkazy na patrabavańni Rasii ŭ dačynieńni da Ukrainy i NATA.
«My raźličvajem, što zmožam padzialicca z Rasijaj našymi zaściarohami i idejami bolš detalova ŭ piśmovym vyhladzie na nastupnym tydni», — skazaŭ Blinkien, dadaŭšy, što ZŠA «pahadzilisia na dalejšyja pieramovy paśla hetaha».
Čytajcie taksama:
U Kanhres ZŠA ŭnieśli zakonaprajekt ab sankcyjach suprać najbližejšaha atačeńnia Pucina
Bajden zajaviŭ ab sankcyjach, jakija «Pucin nikoli nie bačyŭ»
Bajden: Złučanyja Štaty buduć rašuča reahavać, kali Rasija praciahnie ŭvarvańnie va Ukrainu
Sienat ZŠA adkryŭ, što źbirajecca rabić, kali Rasija napadzie na Ukrainu
