Try tydni Jaŭhien Baroŭski chvareje, adnak ničoha, akramia ibuprafiena, dla lačeńnia jamu nie dajuć. Da taho ž administracyja papraŭčaj kałonii №15, dzie jon utrymlivajecca, nie dazvoliła žoncy Jaŭhiena, Vieranicy Baroŭskaj, pieradać mužu miedykamienty. Ciapier ža jaho stan ciažki, kaža Vieranika. 

Jaŭhien napisaŭ administracyi kałonii zajavu na atrymańnie miedbanderoli ad svajakoŭ. Ale jamu admovili, arhumientujučy tym, što ŭ miedsančastcy PK-15 miedykamientaŭ chapaje. 

Padčas čarhovaha telefanavańnia 16 studzienia Jaŭhien skazaŭ: «Ja, napeŭna, prosta pamru tut — mnie nastolki drenna».

«Jon telefanavaŭ u žudasnym stanie. U jaho nos apuchły, jon strašenna kašlaje i ŭ jaho balić hałava, bo, chutčej za ŭsio, užo pačaŭsia hajmaryt», — raspaviała Vieranika.

Jaŭhiena Baroŭskaha asudzili na čatyry hady kałonii ahulnaha režymu za ŭdzieł u adnym ź niadzielnych maršaŭ 2020 hoda ŭ Minsku. Svajo pakarańnie z 9 lipienia 2021 hoda palitviazień adbyvaje ŭ mahiloŭskaj PK-15.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?