Pra situacyju na Fejsbuku paviedamiŭ suiskalnik Bahdan Mielnik:

«Upaŭnavažany pa abaronie dziaržaŭnaj movy, topavy pracadaŭca va Ukrainie pa viersii supolnaści DOU admoviŭ mnie ŭ nastupnym etapie sumoŭja tolki tamu, što ja razmaŭlaju pa-ŭkrainsku ŭ Ukrainie. I heta kijeŭski ofis»,

— paviedamiŭ Bahdan i prymacavaŭ skrynšot svaich znosin z patencyjnym pracadaŭcam.

Jak paśla akazałasia, kampanija nie tolki nie choča bačyć u svaim kalektyvie ŭkrainamoŭnych supracoŭnikaŭ, ale i publična chvalicca pieramohami ŭ Rasii, jakaja dla ŭkraincaŭ — kraina-ahresar.

Uvohule ŭsie pasty kampanii ŭ sacsietkach vykananyja vyklučna na ruskaj movie.

Dla nas hetaja situacyja cikavaja pieradusim tym, što stvoranaja ŭ 2007 hodzie IT-kampanija Andersen — biełaruskaja.

Jaje hałaŭny ofis da niadaŭniaha času zajmaŭ niekalki pavierchaŭ chmaračosa Royal Plaza ŭ centry Minska. Ale ŭ kancy 2020-ha adbyłasia rełakacyja ŭ Kijeŭ, źviazanaja z palityčnymi padziejami ŭ Biełarusi.

Vyhladaje, što kiraŭnictva kampanii nie ŭśviadomiła, što moŭnaja palityka Ukrainy značna adroźnivajecca ad biełaruskaj, a tamu pa zvyčcy viadzie kadravuju palityku pavodle schiemaŭ, šyroka raspaŭsiudžanych u Biełarusi. 

Čytajcie taksama:

IT-kampanija Andersen pieraniesła štab-kvateru ź Minska ŭ Kijeŭ

Minskaja IT-kampanija pieraličyła infiekcyjnaj balnicy amal $10 tysiač

Mify i žorstkaja realnaść IT. Intervju z zasnavalnikam IT-kampanii Andersen, jakaja ładzić sustrečy z Aleksijevič i Šuškievičam

Клас
0
Панылы сорам
1
Ха-ха
0
Ого
0
Сумна
0
Абуральна
0