Da pryjezdu ratavalnikaŭ jaho dastali z vady studentka 2-ha kursa Akademii muzyki Alena Jałašeŭskaja i Siarhiej Dzierańko.

Alena raskazała pra vypadak.

«Ja išła pa bierazie i prosta hladzieła ŭ bok Śvisłačy. U niejki momant ja zaŭvažyła ruchi čałavieka ŭ vadzie. Ja pabiehła tudy. Tam pobač jakraz stajaŭ mužčyna, jaki telefanavaŭ u MNS, razam ź im my i ratavali hetaha paciarpiełaha. Ja źniała kurtku i stała šukać pablizu pałku, kab jamu było za što ŭchapicca. Paźniej zrazumieła, što nie varta hublać čas, bo jamu treba terminova dapamahčy.

Ja lehła na žyvot i papaŭzła pa lodzie, kali ja padpaŭzła da jaho i stała ciahnuć, lod kala jaho staŭ łamacca. A ŭ mianie nie było dobraha punktu apory, kab mocna ŭchapicca i vyciahnuć jaho, bo ja lahčejšaja za jaho. Jak tolki ja rabiła sprobu padniać jaho na lod, jon kryšyŭsia pad im i mužčyna znoŭ pravalvaŭsia ŭ vadu.

Jak raz u hety čas da mianie padyšoŭ toj mužčyna, jaki telefanavaŭ u MNS, jon znajšoŭ pałku i kryknuŭ mnie trymacca za jaje. My złučylisia łancužkom i ŭdvaich stali ciahnuć adzin adnaho pa lodzie i zmahli vyciahnuć. A ŭžo bližej da sušy nam dapamahli padletki, što stajali na bierazie. Uličvajučy, što mužčyna zamiežnik, my jaho nie nadta razumieli, ale na ščaście, sumiesnymi namahańniami zmahli vyciahnuć».

Alena Jałašeŭskaja

Alena Jałašeŭskaja

Ab tym, jak pryjšła dumka vyratavać mužčynu, Alena adkazvaje: «Nas vučyli praviłam biaśpieki ŭ škole i kaledžy. Nas vučyli, jak dapamahčy čałavieku, kali jon tonie, i što rabić pry pažary, i tamu ja zapomniła. Liču, što ludzi pavinny heta viedać. Viedy i trochi fiziki — i ja zmahła vyratavać čałaviečaje žyćcio. Heta vielmi asablivaje adčuvańnie».

Клас
Панылы сорам
Ха-ха
Ого
Сумна
Абуральна