Nastupstvy mocnaha vietru ŭ piatnicu
U noč na aŭtorak śnieh projdzie pa bolšaj častcy terytoryi krainy. U asobnych rajonach — zavirucha, miescami pa Mahiloŭskaj vobłaści mocny śnieh. Dniom miescami čakajecca nievialiki śnieh.
Pa ŭsioj krainie — uzmacnieńnie vietru, nočču paryvami da 19-24 m/s, miescami — da 25-27 m/s, dniom — da 15-20 m/s, miescami — da 21-24 m/s. U minułuju piatnicu viecier byŭ da 32 m/s.
Unačy — da minus dzieviaci, dniom — ad nula da minus šaści.
U sieradu, na Vadochryšča, čakajecca śnieh, mokry śnieh, dniom pa zachadzie navat doždž. Viecier zachodni, umierany, miescami paryvisty. Nočču ad minus 3 pa zachadzie da 12 hradusaŭ marozu pa ŭschodzie. Dniom budzie ad -4 da +2.
Cikava, što zvyčajna pierad Vadochryščam stajać marazy, u minułym hodzie pierad 19 studzienia było dosyć chałodna. Samy mocny maroz na Vadochryšča byŭ nočču 1968 hoda — minus 25,8°C.
U čaćvier, 20 studzienia, — śnieh; u asobnych rajonach prahnazujecca ŭzmacnieńnie vietru paryvami da 15-18 m/s. Nočču tempieratura ad minus 5 da plus 1, dniom — ad minus 3 da plus 2.
U piatnicu — śnieh, miescami zavirucha i ŭzmacnieńnie vietru paryvami da 15-18 m/s, hałalodzica. Nočču 2-7 hradusaŭ marozu, dniom — ad nula da minus 5.
