Fota: @sotavision

Fota: @sotavision

Pieršapačatkova z paviedamleńnia «Biełavija» možna było zrabić vysnovu, što rejsy admianiajucca jak minimum da 10 studzienia.

«Pavažanyja pasažyry! Źmiena daty vyletu pa ŭsich avijabiletach, aformlenych na pramyja rejsy «Biełavija», jakija vylatajuć ź Minska ŭ punkty Kazachstana i nazad pa 10.01.2022 uklučna, moža być zroblena biez spahnańnia dadatkovaj apłaty ŭ miežach adnaho kłasa absłuhoŭvańnia na pramyja rejsy «Biełavija», jakija vylatajuć u/z Kazachstana pa 31.01.2022 uklučna. Dla źmieny daty vyletu, kali łaska, źviartajciesia pa miescy nabyćcia avijabileta», — havorycca na sajcie.

Jak pisaŭ telehram-kanał @sotavision rejsy ź Minska ŭ Ałmaty, mahčyma, buduć pieraniesienyja ŭ Nur-Sułtan. Kančatkovaje rašeńnie, jak paviedamili pradstaŭniki avijakampanii, budzie pryniata nie raniej, čym zaŭtra. A pakul pasažyraŭ admienienaha rejsa ŭ Ałmaty raźmiaščajuć u haścinicy.

Taksama Minstrans zajaviŭ, što «paloty ŭ aeraporty Kazachstana buduć vykonvacca tolki z dazvołu Departamienta pa avijacyi ŭ zaležnaści ad situacyi, jakaja składvajecca».

Paźniej Minski aeraport paviedamiŭ, što zhodna z rašeńniem Departamienta pa avijacyi i Mintransa, kampanija pryniała rašeńnie admianić usie rejsy da taho momantu, pakul siutacyja ŭ Kazachstanie nie narmalizujecca.

Клас
0
Панылы сорам
0
Ха-ха
0
Ого
0
Сумна
0
Абуральна
0