Ekskursiju pa novym korpusie praviała zahadčyca siektara markietynhu Śviatłana Varapaj:

— U novym vystavačnym korpusie čatyry pavierchi. Na pieršym znachodzicca krama i kafieteryj, na druhim raźmiaścilisia kabiniety navukovych supracoŭnikaŭ muzieja, videazała i tvorčaja studyja, jakuju ŭ dalejšym my płanujem vykarystoŭvać dla inkluziŭnaj raboty ź dziećmi i darosłymi. A treci i čaćviorty pavierchi adviedzienyja pad ekspazicyi.

Ideja stvareńnia muziejnaha kompleksu ŭ miežach adnaho kvartała ŭ centry horada źjaviłasia jašče na pačatku 2000-ch hadoŭ. I voś pastupova jana ažyćciaŭlajecca. U płanach — pierabudavańnie hałoŭnaha korpusa, kab zrabić jaho jašče bolš kamfortnym dla naviedvalnikaŭ.

— My nie spyniajem raźvićcio muzieja. Razam z vystavačnym korpusam pa vulicy Kirava adkrylisia novyja restaŭracyjnyja majsterni, a taksama naša navukovaja biblijateka, — adznačyła Śviatłana Varapaj. — Nastupny etap — rekanstrukcyja i adnaŭleńnie hałoŭnaha korpusa. Fasad zastaniecca takim ža paznavalnym, ale ŭnutranuju zału muzieja pierarobiać, kab naviedvalnikam i supracoŭnikam było bolš zručna. Ale paŭtarusia: architekturnuju ideju budynka my abaviazkova zachavajem. 

Adna z hałoŭnych pieravah novaha korpusa — aśviatleńnie i klimat-kantrol. Na tych pavierchach, dzie ekspanujucca karciny, niama voknaŭ — pryrodnaje śviatło škodzić mastackim tvoram. Mienavita tamu ŭ budynku ŭstalavanyja śpiecyjalnyja lampy, jakija dajuć prafiesijnaje aśviatleńnie. Dziakujučy im, karciny byccam by śvieciacca znutry, a tvory, jakija zachoŭvajucca pad škłom, nie blikujuć. Śviatłana Varapaj adznačyła, što praz novyja funkcyi muziejefikacyja abjektaŭ adbyłasia ŭ poŭnaj stupieni.

Jašče adna admietnaść novaha korpusa, jakuju zaŭvažyć kožny z naviedvalnikaŭ, — mahčymaść paznajomicca z restaŭracyjnym pracesam, dziakujučy časovaj vystavie:

— Ciapier na trecim paviersie ekspanujucca vyratavanyja mastackija kaštoŭnaści. Heta tvory, ź jakimi pracavali našy mastaki-restaŭratary. Pobač z karcinami znachodziacca tłumačalnyja eksplikacyi. Jany demanstrujuć pieršapačatkovy stan karciny, a taksama pakazvajuć praces adnaŭleńnia tvora, — raspaviała Śviatłana Varapaj. 

Vystavačny korpus Nacyjanalnaha mastackaha muzieja — heta i tvorčaja placoŭka. U śpiecyjalnaj studyi zajmajucca školnyja hrupy. Majstar-kłasy i interaktyŭnyja zaniatki pravodziać supracoŭniki muzieja. Jość i zała ź vialikim ekranam, dzie buduć adbyvacca adukacyjnyja lekcyi i sustrečy. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?