Patrabavańni Rasii da NATA i ZŠA pa biaśpiecy niesumiaščalnyja sa składzienym za apošnija dziesiacihodździ paradkam zabieśpiačeńnia jeŭrapiejskaj biaśpieki, ličyć prezident Finlandyi Saŭli Niiniste. Pavodle jaho słoŭ, pryncyp poŭnaj roŭnaści dziaržaŭ pavinien vykonvacca ŭsimi.
Patrabavańnie Rasii ab harantyjach biaśpieki z boku ZŠA i NATA turbuje Jeŭropu, pra heta zajaviŭ Niiniste ŭ navahodnim zvarocie da žycharoŭ krainy.
Raniej u śniežni, Rasija zapatrabavała ad ZŠA i NATA dać piśmovyja i jurydyčna zamacavanyja harantyi ab niepašyreńni Paŭnočnaatłantyčnaha aljansa na uschod i nieraźmiaščeńni uzbrajeńniaŭ kala rasiejskich miežaŭ. U advarotnym vypadku Maskva pahražaje pačać previentyŭnyja dziejańni va Ukrainie, jakaja stała svajho rodu zakładnicaj procistajańnia Rasii i Zachadu.
Finlandyja nie člen NATA i zaŭsiody trymałasia vielmi strymanaj linii ŭ adnosinach z Rasii. Takaja zajava finskaha prezidenta supadaje z ahulnaj pazicyjaj NATA, jakaja vyklučaje nadańnie prava vieta trecim krainam.
