Šviejcarskaja kampanija Sandoz amal paŭtara stahodździa zajmajecca raspracoŭkaj i vytvorčaściu lekavych preparataŭ i bijaanałahaŭ. Mnohija ź jaje srodkaŭ šyroka viadomyja ŭ Biełarusi: ACC, Amaksikłaŭ, Bronchamunał, Kietanał, Lineks, Piersien.

U listapadzie hetaha hoda Sandoz była na 10-m miescy siarod zachodnich kampanij, jakija raźmiaščajuć bolš za ŭsio rekłamy na Biełaruskim telebačańni. Biełaruskija dyjaspary i aktyvisty nakiroŭvali zvaroty ŭ hetyja kampanii, zaklikajučy ich admovicca ad finansavańnia BT, jakoje stała instrumientam prapahandy.

Sandoz adreahavała na zakliki. Kampanija štohod pravodzić pieraacenku svaich rekłamnych biudžetaŭ dla roznych rynkaŭ i adkazała biełarusam tak: «U ramkach biahučaha płanavańnia rekłamy na 2022 finansavy hod va Uschodniaj Jeŭropie my nie płanujem nijakich tranślacyj na telekanałach, pra jakija vy zhadvajecie ŭ svaim liście». Havorka idzie pra telekanały «Biełaruś 1», ONT i STB.

U liście kampanii adznačajecca, što jana imkniecca zabiaśpiečvać ludziej pa ŭsim śviecie jakasnymi lekami i pravodzić infarmacyjnyja kampanii ŭ padtrymku svaich biezrecepturnych preparataŭ i dla sanitarnaj aśviety nasielnictva. Adnak «u Biełarusi takaja dziejnaść abmiežavanaja». 

Raniej ad rekłamy na BT pad ciskam hramadskaści admovilisia takija zachodnija hihanty, jak Henkel, Carlsberg, L'oreal, źviali da minimumu svaju rekłamu Nestlé i Coca Cola. 

Čytajcie taksama: Jakija kampanii pierastali supracoŭničać ź Biełaruśsiu z-za palityki

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?