Pra heta ŭ piatnicu na bryfinhu zajaviła aficyjnaja pradstaŭnica MZS Rasii Maryja Zacharava, piša TASS.

«Nie treba prydumlać, što heta niejkija asablivyja abo tajemnyja płany, heta realnaja acenka situacyi na ziamli, razumieńnie stratehii i taktyki krain i palityčnych sistem, ź jakimi nam davodzicca ciapier mieć spravu, i niepasredna asobnych pradstaŭnikoŭ, i vybudoŭvańnie adpaviednych mier, metaŭ i zadač zychodziačy z hetaha», — skazała dypłamat, kamientujučy zajavu ab hatoŭnaści Biełarusi raźmiaścić uzbrajeńni RF na terytoryi krainy.

«Vy pavinny razumieć, z-za čaho ŭźnikła hetaja tema — z-za praciahu varožych dziejańniaŭ krain NATO, na što rasijskaje kiraŭnictva zajaviła, što kali ŭsio heta praciahniecca, to na padobnyja dziejańni, varožyja, niedružalubnyja, ahresiŭnyja, budzie adekvatny adkaz, u tym liku vajenna-techničny», — padkreśliła jana.

Na minułym tydni Uładzimir Makiej zajaviŭ, što Minsk hatovy raźmiaścić u siabie jadziernuju zbroju pry pahrozie z boku NATO. Alaksandr Łukašenka da hetaha adznačaŭ, što Minsk prapanavaŭ Maskvie pryniać takija miery, kali Paŭnočnaatłantyčny aljans raźmieścić jadziernuju zbroju ŭ Polščy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?