U rejtynh uvajšli harady z nasielnictvam ad 19 tysiač čałaviek, bo rola małych haradkoŭ i viosak u Biełarusi nievialikaja. Analizavali piać asnoŭnych pakazčykaŭ:

  • demahrafičnaja ŭstojlivaść,
  • stan ekanomiki (naminalny zarobak, uzrovień aficyjnaha biespracoŭja, inviestycyi ŭ asnoŭny kapitał, dola ŭłasnych dachodaŭ u miascovych biudžetach),
  • jakaść žyćcia (uzrovień złačynnaści, kolkaść lekaraŭ i studentaŭ),
  • hramadska-palityčnyja praktyki (pamier represij, adkrytaść dziaržaŭnych orhanaŭ),
  • turystyčnaja pryvabnaść (dastupnaje žyllo na booking.com, kolkaść kaviarniaŭ, rejtynh słavutaściaŭ).

Lidaram rejtynhu čakana staŭ Minsk. Dalej iduć Hrodna i Brest. U dziasiatku ŭvajšli taksama Salihorsk, Žodzina, Homiel, Dziaržynsk, Viciebsk, Lida i Navapołack.

U najlepšym stanoviščy akazalisia harady, bližejšyja da stalicy, Zachodniaja Biełaruś i turystyčnyja centry.

Siarod aŭtsajdaraŭ — Pastavy, Pružany, Rahačoŭ, Asipovičy i Kryčaŭ.

Pramysłovymi centrami, jakija pamirajuć, stali Baranavičy, Babrujsk i Barysaŭ. A častku rajcentraŭ niedaloka ad rasijskaj miažy (naprykład, Horki, Rečycu, Kalinkavičy, Oršu) składalniki rejtynhu acharaktaryzavali jak «uschodniuju prorvu».

«Naiŭna vieryć, što našy harady nie kankurujuć pamiž saboj, naprykład, za pamier dziaržaŭnych inviestycyj. Bolej za toje, «pad vadoj» adbyvajucca źmieny, jakija dziaržava nie kantraluje. Danyja pakazvajuć: niahledziačy na toje, što ŭłady strymlivajuć svabodu haradoŭ i kankurencyju pamiž imi, harady raźvivajucca pa-roznamu. Asabliva zaŭvažna heta ŭ rehijonach.

Kolkaść nasielnictva Homiela ci Mahilova nie stavić hetyja harady na druhoje i treciaje miescy. Mnohija bujnyja harady, jak Babrujsk ci Baranavičy, vyrazna adstajuć u raźvićci.

A abłasnyja harady nie roŭnyja pamiž saboj — Hrodna i Brest vidavočna bolš dynamičnyja i ŭstojlivyja za Homiel, Mahiloŭ i Viciebsk», — adznačajuć daśledčyki.

Čytajcie taksama:

«Pračytała vierš na fiermie — i atrymała 200 tysiač łajkaŭ». Biełaruska ź vioski stała sapraŭdnaj zorkaj tyktoka

«Ludzi pačali pieravozić siemji. Hety sihnał značyć, što jany tut nadoŭha». Kolki biełarusaŭ źjechała paśla vybaraŭ u Litvu?

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?