Premjer-ministr Polščy Matevuš Maraviecki raskrytykavaŭ v. a. kanclera Niamieččyny Anhiełu Mierkiel za pieramovy z Alaksandram Łukašenkam. U intervju ahienctvu dpa, apublikavanym u subotu, 27 listapada, Maraviecki vitaŭ namahańni ES, nakiravanyja na dypłamatyčnaje ŭrehulavańnie kryzisu vakoł mihrantaŭ na biełaruska-polskaj miažy, adnak skazaŭ, što Mierkiel, patelefanavaŭšy Łukašenku, «spryjała lehitymizacyi jaho režymu, u toj čas jak baraćba za svabodnuju Biełaruś praciahvajecca ŭžo 15 miesiacaŭ», piša Deutsche Welle.
Mierkiel, nahadajem. u siaredzinie listapada dvojčy telefanavała Łukašenku, za što padvierhłasia krytycy jak u Niamieččynie, tak i za jaje miežami. Aficyjny pradstaŭnik urada Štefen Zajbiert abhruntavaŭ nieabchodnaść kantaktaŭ z Łukašenkam katastrafičnym stanoviščam tysiač mihrantaŭ na biełaruska-polskaj miažy. Pry hetym Zajbiert adznačyŭ, što dziejańni Mierkiel byli ŭzhodnienyja ź Jeŭrakamisijaj.
Maraviecki abvinavaciŭ Łukašenku ŭ vykarystańni telefonnych pieramovaŭ ź Mierkiel va ŭłasnych metach. «Jon pradstaviŭ spravu tak, byccam Mierkiel pahadziłasia na transparciroŭku dźviuch tysiač mihrantaŭ pa kalidory ŭ Niamieččynu i inšyja jeŭrapiejskija krainy, adnak heta nie tak», — padkreśliŭ polski premjer.
