10 kamandaŭ vyjšli na ČS ź pieršaha miesca ŭ svaich hrupach. Heta zbornyja Anhlii, Niamieččyny, Šviejcaryi, Ispanii, Bielhii, Niderłandaŭ, Charvatyi, Danii, Sierbii, Francyi.
Kamandy, jakija zaniali druhija miescy ŭ hrupach, a taksama dźvie najlepšyja kamandy pa vynikach Lihi nacyj (usiaho 12) razyhrajuć try pucioŭki. Raniej dastatkova było vyjhrać adzin styk, ciapier kamanda praviadzie dva stykavyja matčy ź dźviuma zbornymi:
Šlach A: Šatłandyja — Ukraina, Uels — Aŭstryja.
Šlach V: Rasija — Polšča, Šviecyja — Čechija.
Šlach S: Italija — Paŭnočnaja Makiedonija, Partuhalija — Turcyja.
Heta aznačaje, što pieramožca matča Šatłandyja — Ukraina zhulaje ź pieramožcam matča Uels — Aŭstryja, a pieramožca dvuboju Rasija — Polšča ź pieramožcam Šviecyja — Čechija.
Adpaviedna, Ukraina svoj matč suprać Šatłandyi praviadzie ŭ haściach (matča ŭ adkaz nie budzie), a Rasija suprać Polščy — doma.
Hulni projduć u sakaviku nastupnaha hoda.
