Fota: autogear.ru
Sposab pieršy. Hrašovy pieravod
Heta vielmi prosta. Na pošcie vam daduć zapoŭnić błank na hrašovy pieravod: kamu, ad kaho, suma. Kali hety pieravod pastupaje ŭ SIZA, to viaźniu zaŭsiody dajuć raśpisacca ŭ kvitku. U hety čas jon bačyć proźvišča adpraŭnika — vaša proźvišča — i serca jaho napaŭniajecca ciapłom.
Suma pieravodu realna niavažnaja, važny znak uvahi, pryviecik. Nie adpraŭlajcie šmat — 5, 10 rubloŭ całkam dastatkova. U SIZA nie tak mnoha nahodaŭ patracić hrošy, ale jany jość. Naprykład, na padpisku abo na pakupku masła dla buterbrodaŭ u turemnaj kramie.
Sposab druhi. Telehrama
Jany dachodziać narmalna. Adpravić telehramu možna pa pošcie ci pa haradskim telefonie 166. Na pošcie vam treba paprasić błank dla telehram i zapoŭnić: kamu, ad kaho i sam tekst. Paviercie, 40-60 słovaŭ dajuć dobry razhon!
Možna pisać pra što zaŭhodna. Naprykład, pra svaje naviny. Možna vinšavać ź miłymi śviatami. Možna pieradavać pryviety, luboŭ i zachapleńnie:
Kali adpraŭlać z pošty, telehrama kaštuje kala 1,5 rub. A pa telefonie 166 daražej — kala 6,5 rub. Taksama treba ŭličvać, što telehrama idzie da viaźnia niekalki dzion.
Sposab treci. Banderol abo drobny pakiet
Adpraŭlajcie lepš drobnyja pakiety ci banderoli! Jany harantavana dachodziać.
Kaniečnie, paštoŭki ŭ takim vypadku nie padpišaš, jany musiać być pustyja — ale ž na toje i paštoŭka, što karcinka havoryć lepš za tekst! A «sčytvać» karcinki viaźni dobra ŭmiejuć. Para paštovak abo kanviertaŭ, 50 hramaŭ areškaŭ abo trochi suchafruktaŭ (nie prymajuć tolki izium i čarnaśliŭ). Možna pakieciki čaju, rassypny čaj ci kavu (ale ich treba pierasypać z fabryčnaj upakoŭki ŭ zvyčajny prazrysty pakiecik).
Na «Vaładarcy» prymajuć raznastajnyja słodyčy, cukierki, šakaładki.
Možna dasyłać i niešta jašče ź ježy ci niejkija miłyja drobiazi, pradmiety hihijeny, kali vam zdajecca, što jany viaźnia paradujuć. Ale jość niuansy: niešta prymajuć, a niešta nie. Takija rečy adpraŭlajuć na skład i addajuć pry vyzvaleńni. A kali heta niedazvolenyja pradukty, dyk prosta źniščajuć. Tak, prykładam, u SIZA prymajuć, mandaryny, limony, ale nie prymajuć churmu, hranaty. I padobnaje.
Banderol/drobny pakiet u SIZA možna dasłać ź luboj pošty. Ale važna pamiatać try rečy:
— usiu ježu, kali jana va ŭpakoŭcy, treba z upakoŭki pierakłaści ŭ zvyčajnyja prazrystyja pakieciki,
— važna, kab ciubiki, butelečki i h.d. (u vypadku pradmietaŭ hihijeny) nie byli mietaličnymi,
— u pakiet z banderolkaj treba ŭkłaści zajavu ź pieralikam taho, što vy pieradajacie. Forma zajavy tut.
Viaźniam pryniasuć vašu banderol i vašu zajavu, jany pavinny budć raśpisacca na joj — i pabačać vaša proźvišča dy navat vypišuć sabie adras, kab vas adździačyć.
