Hazieta «Biełarusy i rynak» daviedałasia, čamu inviestycyi vyciakajuć ź Biełarusi i što ź imi stanie paśla sankcyjnaj ataki ZŠA i Jeŭrasajuza

Adstavańnie ad raźvitych krain budzie tolki narastać

Staršy analityk Alpary Jeŭrazija Vadzim Iosub u kamientary haziecie «Biełarusy i rynak» adznačaje, što ŭcioki zamiežnych inviestycyj vyklikaje tryvohu.

- U pryviedzienaj statystycy adlustravany tolki sumy. Adnak zamiežnyja inviestycyi-nie tolki hrošy, jakija pryjšli ŭ krainu, za imi, jak praviła, stajać novyja vytvorčyja technałohii, novyja kiraŭnickija technałohii - u sumie heta zabiaśpiečvaje krainam, jakija raźvivajucca dahaniaje rost. Kali kraina adstaje pa ekanamičnych pakazčykach, ale adkryta dla zamiežnych inviestycyj, čaściej za ŭsio prychodziać biznesy z raźvitych krain z hatovymi kiejsami, jakija i dazvalajuć dahaniać raźvityja krainy. Tamu źnižeńnie pramych zamiežnych inviestycyj vymiarajecca nie tolki kašalkom. Adsiul vysnova: najaŭnaje adstavańnie ad raźvitych krain budzie nie tolki kansiervavacca, ale i narastać.

Čamu inviestycyi biahuć z krainy?

— Kab zamiežnyja inviestycyi išli ŭ krainu, patrebien dobry inviestycyjny klimat. Heta značyć, heta pavinna być a) vyhadna, b)adnosna biaśpiečna. Inviestary pavinny adčuvać, što ich hrošy ŭ biaśpiecy, jany pavinny bačyć spryjalnaje i stabilnaje zakanadaŭstva, jany pavinny viedać, što ŭ vypadku sprečnych situacyj jany zmohuć abaranić svaje intaresy ŭ spraviadlivym niezaležnym sudzie. Kali ŭsiaho pieraličanaha inviestary nie bačać, to vynik vidavočny — - adznačyŭ Vadzim Iosub.

Były časovy pavierany ŭ spravach Biełarusi ŭ Šviejcaryi, starejšy daśledčyk Centra novych idej Pavał Macukievič adznačaje, što ŭ krainy, abkładzienyja sankcyjami, ŭkładvajucca zvyčajna tolki działki. Cyvilizavany biznes abychodzić takija dziaržavy bokam, nie žadajučy mieć ź imi ničoha ahulnaha.

- Pryciahnieńnie pramych zamiežnych inviestycyj na čystaj asnovie-adzin z tych pakazčykaŭ, vykanańnia jakoha patrabujuć ad dypłamatyčnych pradstaŭnictvaŭ za miažoj. Pa vynikach 2020 hoda pa hetym pakazčyku na pieršym miescy była Rasija (22%), nastupnyja vosiem miescaŭ u dziesiatcy klučavych krain — inviestaraŭ zajmali zachodnija dziaržavy, heta značyć Toj samy zachodni śviet, adnosinam ź jakim u žniŭni 2020 hoda pryjšoŭ kajuk. Sankcyi, mižnarodnaja izalacyja i rukatvornyja kryzisy, typu mihracyjnaha, stvaryli Biełarusi vielmi niehatyŭny imidž, što słužyć supraćpakazańniem dla luboha supracoŭnictva ź joj — - kaža Pavieł Macukievič.

Jakija inviestycyjnyja siurpryzy rychtuje 2022 hod

Što čakać ad inviestycyj paśla ŭstupleńnia ŭ siłu sankcyj ZŠA i ŭviadzieńnia novych pakietaŭ sankcyj z boku Jeŭrasajuza? Ci źmienicca situacyja ŭ 2022 hodzie?

Vadzim Iosub ličyć, što vielmi vierahodna, u pieršym kvartale, jak i ŭ hetym hodzie, budzie rost, a ŭ astatnich kvartałach-niaznačnaje źnižeńnie. Rost pieršaha kvartała, pavodle jaho słoŭ, tłumačycca reinviestycyi prybytku, kali zamiežnyja inviestary zarabili prybytak u minułym hodzie, ale nie zabrali sabie, a pakinuli ŭ krainie (heta taksama fiksujecca jak prytok inviestycyj). Usio bolšaja častka inviestycyj, navat kali kazać pra reinviestycyi, budzie naležać rasiejskamu kapitału, mahčymy kapitał ź Vialikabrytanii, z Kipra, jaki na samaj spravie maje rasiejskija albo biełaruskija karani (spačatku vyviedzieny z krainy, a zatym viernuty nazad). Jak raz za takimi inviestycyjami čaściej za ŭsio novyja technałahičnyja i kiraŭnickija rašeńni nie stajać. Heta budzie rasiejski kapitał, zbolšaha-biełaruski, raniej vyviedzieny kapitał, i, ułasna, usio. Asobnych ździełak pry damoŭlenaściach na palityčnym uzroŭni z arabskimi krainami vyklučyć nielha, ale kaštoŭnaść inviestycyj składajecca ŭ ich patoku i na dobraachvotnaj asnovie.

Pavieł Macukievič zhodny, što prytoku pramych zamiežnych inviestycyj u ahladnaj budučyni Biełarusi nie vidać.

«U maim razumieńni navat pry ciapierašnim uzroŭni sankcyj moža być tolki adtok kapitału. A bo mnohija sankcyi nosiać adkładzieny charaktar, Jeŭrasajuz padrychtavaŭ piaty i rychtuje šosty pakiet sankcyj — heta pramyja supraćpakazańni dla viadzieńnia biźniesu z našaj krainaj», — adznačaje eks-dypłamat.

Jon nahadvaje pra taki efiekt, jak niehatyŭnaje recha sankcyj.

— U 2016 hodzie Jeŭrasajuz admianiŭ sankcyi suprać Biełarusi, u sakaviku 2016 hoda ich admianiła i Šviejcaryja. Ale navat praz try hady paśla hetaha ja sutykaŭsia ź situacyjami, kali šviejcarskija kantanalnyja banki admaŭlalisia ad tranzakcyj u Biełaruś, ličačy, što my ŭsio jašče pad sankcyjami — - adznačyŭ jon. - Ciapier sankcyjnaja chvala tolki narastaje i možna tolki zdahadvacca ab maštabach mahčymaj škody. Biada ŭ tym, što navat kali sankcyi admieniać, ich niehatyŭnaje recha budzie hulać pa śviecie jašče hady, adpužvajučy biznes ad Biełarusi.

Клас
Панылы сорам
Ха-ха
Ого
Сумна
Абуральна