Jak paviedamlaje pres-słužba Łukašenki, vytvorčaściu preparatu zojmiecca AAT «BiełVitunifarm». Ukazam praduhledžana budaŭnictva vytvorčaści ŭ vioscy Doŭža Viciebskaj vobłaści na bazie rekanstrukcyi ŭžo isnujučaha abjekta.
«BiełVitunifarm» vyznačany ŭ jakaści najbolš pierśpiektyŭnaj placoŭki dla dośledna-pramysłovaj vytvorčaści vakcyny, zychodziačy sa stupieni hatoŭnaści infrastruktury, najaŭnaści padrychtavanych śpiecyjalistaŭ, a taksama mahčymaści nastupnaha raźvićcia bijatechnałahičnaha kłastara.
Raspracoŭka vakcyny viadziecca arhanizacyjami Ministerstva achovy zdaroŭja i Akademii navuk. Padrychtavana sieryja pratatypnaha varyjantu vakcyny.
Kolki hrošaj płanujecca vydatkavać na arhanizacyju vytvorčaści, nie paviedamlajecca. Ukaz praduhledžvaje vyzvaleńnie technałahičnaha abstalavańnia, syraviny i materyjałaŭ, jakija ŭvoziacca na terytoryju krainy dla realizacyi inviestycyjnaha prajekta, ad abkładańnia ŭvaznymi mytnymi pošlinami i padatkam na dadatkovuju vartaść.