Biełta zapeŭnivaje, što heta maje ci nie losavyznačalnaje značeńnie dla biełaruskaj miedycyny:
«dazvolić zabiaśpiečyć jakasnaje akazańnie miedycynskaj dapamohi, u tym liku płanavaj, bieśpierabojnuju pastaŭku ŭ arhanizacyi achovy zdaroŭja lekavych srodkaŭ, uklučajučy vakcyny».
Miž tym, hetyja hrošy vyhladajuć niaznačnaj sumaj u paraŭnańni ź siońniašnimi patrebami biełaruskaj miedycyny.
U 2021 hodzie z respublikanskaha biudžetu na achovu zdaroŭja vydzielena bolš za Br7, 6 młrd, abo 5% ad VUP. Užo vydatkavana kala Br6 młrd, paviedamiŭ 19 kastryčnika premjer-ministr Raman Hałoŭčanka.
Tady ž jon skazaŭ, što hrošaj nie chapaje: «Urad vykarystoŭvaje ŭsie dastupnyja finansavyja instrumienty dla zabieśpiačeńnia ŭstojlivaha funkcyjanavańnia haliny. Ale, viadoma, uzdym zachvorvańnia zmušaje šukać dadatkovyja krynicy dla finansavańnia».
Tady ž Hałoŭčanka paviedamiŭ, što ŭrad budzie źviartacca da Łukašenki z prośbaj ab vydzialeńni dadatkovych srodkaŭ u pamiery amal Br250 młn. «Br140 młn — na zakupku lekavych srodkaŭ i vakcyn i jašče Br108 młn my prapanujem uličyć pry ŭdakładnieńni asobnych pakazčykaŭ respublikanskaha biudžetu» — raspavioŭ Hałoŭčanka.
Z zajavy Hałoŭčanki vynikaje, što za pieršyja 9 miesiacaŭ 2021 hoda achovie zdaroŭja Biełarusi patrabavałasia blizu 650 młn rubloŭ štomiesiac.
140 młn rubloŭ z tak zvanaha «reziervovaha fondu prezidenta» naŭrad ci moža całkam vyrašyć prablemu biełaruskaj miedycyny.
Jak nie ŭtvarajuć 140 młn rubloŭ dzirku i ŭ samim reziervovym fondzie.
U 2021 hodzie tudy płanavałasia adličyć 613 miljonaŭ rubloŭ. U 2020 hodzie — 244 miljony.
U adkrytym dostupie niama infarmacyi ab krynicach reziervovaha fondu. Zhodna z Zakonam «Ab respublikanskim biudžecie», častka srodkaŭ pastupaje tudy ź biudžetu, a častka — heta niejkija «dadatkovyja dachody». Taksama niama ŭ publičnym dostupie infarmacyi, kudy pastupaje nieraźmierkavanaja rešta fondu. Pa padlikach «Jeŭraradyjo», z 2016 pa 2019 hod nie było raźmierkavana 803 miljony rubloŭ reziervovaha fondu. Što ź imi stała — nieviadoma.
Amal 5 miljonaŭ rubloŭ tolki na vajenrukach. Na čym moža było b sekanomić biudžetnyja hrošy?
