«Nu, typu pierabityja numary. Padazreńnie. Nam kamanda hienierała, bł****, pad jaho pracavać jak pałožana. U Kopišava (proźvišča načalnika kryminalnaj milicyi UUS Minabłvykankama — zaŭv. «NN») heta na kantroli. Nu, voś treba było niejak mašynu zabrać, voś i zabrali. Prydumali. […]

Heta ŭ ministra na kantroli staić. Tam jon, bł****, susied adnoj z dačok ministra sielskaj haspadarki, tak skažam. Tam u ich vajna miž saboj. Skazali pa im papracavać, voś i ŭsio — pracujem», — idzie havorka padčas razmovy. 

«Susied adnoj z dačok ministra sielskaj haspadarki. Zadača — jaho na miesca pastavić». Źjaviŭsia novy źliŭ ad byłych siłavikoŭ

Jak stała viadoma «Našaj Nivie», historyja adbyłasia ŭ vioscy Uzrečča Dziaržynskaha rajonu. 

Fihuranty historyi — žychar vioski 55-hadovy Anatol Kalinoŭski i siamja Łahunovičaŭ — Alaksandr i Natalla. Natalla Łahunovič — u dziavoctvie Zajac, dačka byłoha ministra sielskaj haspadarki Leanida Zajca. Zaraz jaje tata — staršynia Mahiloŭskaha abłvykankama. 

Leanid Zajac, były ministr sielskaj haspadarki. Fota: golk.by

Leanid Zajac, były ministr sielskaj haspadarki. Fota: golk.by

U čym ža pryčyna svarki ludziej, jakija žyvuć pobač? Detali ich kanfliktu nam raskazali susiedzi Kalinoŭskaha i Łahunovičaŭ. 

«Sens u tym, što ŭ vioscy jość voziera, a tam navokał płaty pastavili — niemahčyma da jaho ŭžo padyści, usio paznosili, dzie raniej ludzi adpačyvali, rybačyć užo niama jak.

Natalla, dačka byłoha ministra sielskaj haspadarki Leanida Zajca. Fota: sacyjalnyja sietki. 

Natalla, dačka byłoha ministra sielskaj haspadarki Leanida Zajca. Fota: sacyjalnyja sietki. 

Tolik (Kalinoŭski — Red.) pajšoŭ skardzicca ŭ sielski saviet, maŭlaŭ, što ž heta takoje, čamu heta ŭsio zabarykadavali, akupavali, ni mietra, ni paŭmietra nie pakinuli, kab da vady prajści.

Nu, voś z hetaha ŭsio i pačałosia, jaho ciapier tak cisnuć, što jamu ŭžo ni voziera, ničoha nie chočacca», — raskazali «Našaj Nivie» žychary vioski. 

Dom Kalinoŭskaha ŭ pravym nižnim kutku, dom Łahunovičaŭ — levaruč, z šerym dacham. 

Dom Kalinoŭskaha ŭ pravym nižnim kutku, dom Łahunovičaŭ — levaruč, z šerym dacham. 

Sam Anatol Kalinoŭski pra hetuju historyju ničoha nie skazaŭ, skazaŭ tolki, što ŭ jaho sapraŭdy aryštoŭvali mašynu — viarnuli praz try tydni, a taksama što troje sutak pravioŭ u IČU. 

Admietna, što i Kalinoŭski, i Łahunovič jeździć na adnolkavych aŭto — Volvo XC90. 

Hubiernatarskaja dačka, Natalla Łahunovič, pačuŭšy pytańnie «Našaj Nivy» pra situacyju, skazała, dasłoŭna: «Oj, usio, da pabačeńnia!» 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?