«Na žal, situacyja nie mianiajecca. U spravu ŭklučylisia pravaachoŭniki, prakurory, padatkaviki, vielmi šmat viedamstvaŭ, jakija prychodziać nie dapamahčy, a nahladać, praviarać i što-niebudź jašče rabić. Tamu my, viadoma, hladzieć spakojna na heta nie budziem.

My praviadziom vielmi ŭvažlivy ekanamičny aŭdyt, choć nam i tak užo ŭsio jasna, i rašeńnie budziem prymać zychodziačy ź pierśpiektyvy. Voś u najbližejšy čas, praz 2-3 tydni, budzie padpisańnie vialikaha pakieta ŭzhodnienych dakumientaŭ dvuchbakovych, kali paśla hetaha situacyja nie źmienicca, nu tady až da prypynieńnia dziejnaści pradpryjemstva pryjdziecca vyrašać pytańnie. Pakul nie chacieli b», — skazaŭ jon.

Jak adznačałasia raniej, pavieličeńnie padatkovaj nahruzki na tranzit rasijskaj nafty i naftapraduktaŭ pa terytoryi Biełarusi z 2021 hoda moža stvaryć pieradumovy da bankructva i dalejšaj nacyjanalizacyi «Zachad-Transnaftapradukta».

Z pačatku hoda Minsk amal utraja pavialičyŭ staŭku padatku na prybytak dla pradpryjemstvaŭ, jakija zajmajucca tranzitam rasijskaj nafty i naftapraduktaŭ pa terytoryi Biełarusi, — z 18% da 50% i ŭvioŭ ekałahičny padatak.

«Pradpryjemstva abiaskroŭlena, tam pracuje 700 čałaviek biełaruskich hramadzian, i pradpryjemstva pracuje ŭ «minus». Viadoma, hetaja situacyja nie moža zadavalniać «Transnaftu», — padkreśliŭ Tokaraŭ.

«Transnafta» ličyć, što ekanamičnaje stanovišča jaje «dočki» «pahoršanaje ŭručnuju» ŭładami Biełarusi, dadaŭ prezident «Transnafty».

«Zachad-Transnaftapradukt» ažyćciaŭlaje tranzitnuju transparciroŭku śvietłych naftapraduktaŭ ad rasijskich i biełaruskich NPZ na ekspart, u kirunku Ukrainy i Łatvii, pa sistemie mahistralnych naftapraduktapravodaŭ, jakija pralahajuć pa terytoryi 21 rajona 3 abłaściej Biełarusi.

Клас
0
Панылы сорам
0
Ха-ха
0
Ого
0
Сумна
0
Абуральна
0