Raniejšaj prapanovy kabmina — uvieści dla rabotnikaŭ peŭnych śfier abaviazkovyja pryščepki — nie zastałosia.
Ciapier prafiłaktyčnaje teściravańnie ažyćciaŭlajecca na biudžetnyja srodki, a kali parłamient prymie źmieny — pravierka zdaroŭja na pradmiet najaŭnaści karanavirusa budzie pravodzicca za košt rabotnika, a kali pracadaŭca vyrašaje — za košt pracadaŭcy, patłumačyŭ ministr achovy zdaroŭja Arunas Dulkis.
«Jość dva vyklučeńni, kali pravierka zdaroŭja budzie pravodzicca za košt biudžetu: kali rabotnik nie moža pryščaplacca z-za miedycynskich supraćpakazańniaŭ abo kali nie zabiaśpiečvajecca dastupnaść vakcyn», — adznačyŭ ministr.
Urad u sieradu zaćvierdziŭ taki prajekt Zakona ab prafiłaktycy i kantroli zaraznych zachvorvańniaŭ čałavieka, jon unosicca ŭ siejm, jaki i prymie kančatkovaje rašeńnie. Urad prapanuje siejmu razhledzieć papraŭki ŭ paradku asablivaj terminovaści. Prapanujecca, kab taki paradak ustupiŭ u siłu z 1 śniežnia.
Pradstaŭlajučy prapanovu ŭrada paźniej na pres-kanfierencyi, premjer Inhryda Šymanicie skazała, što teściravańnie dla niepryščeplenych ludziej za košt padatkapłacielščykaŭ było zrazumieła, kali ŭ krainie nie było dastatkova vakcyn, a ciapier, va ŭmovach volnaha dostupu da vakcynavańnia, jaho było b «ciažka rastłumačyć i apraŭdać».
Pavodle jaje słoŭ, ciapier testy niepryščeplenych ludziej «abychodziacca padatkapłacielščykam bolš čym u dziesiać miljonaŭ jeŭra, i mohuć być apraŭdanyja ŭ tym vypadku, kali niama alternatyŭnych srodkaŭ kiravańnia pandemijaj, heta značyć vakcyn».
