Na biełaruska-polskaj miažy znachodziacca mihranty. Polšča nastojvaje, što pierasialency raźbivajuć łahiery na biełaruskim baku, Biełaruś, u svaju čarhu, zapeŭnivaje, što mihranty znachodziacca z boku Polščy.
5 kastryčnika a 17:00 pieršyja hruzaviki pakinuli skład i pajechali ŭ kirunku punktu propusku Babroŭniki na polska-biełaruskaj miažy. Jany vieźli namioty, łožki, koŭdry, bializnu, srodki hihijeny. Taksama polski bok zajaviŭ, što hatovy pieradać pradukty, leki i inšyja nieabchodnyja rečy.
Adnak pradstaŭnik Dziaržaŭnaha pamiežnaha kamiteta Biełarusi Anton Byčkoŭski zajaviŭ na heta, što mihranty ŭžo znachodziacca ŭ Polščy, i polskamu boku nieabchodna «tolki pryŭźniać kalučy drot, abahreć, nakarmić».
U MZS Biełarusi nazvali rašeńnie polskaha boku ab adpraŭcy humanitarnaj dapamohi mihrantam na biełaruska-polskaj miažy «palitykanstvam i papulisckaj rytorykaj», a taksama ŭhledzieli ŭ hetym «peŭnaje hrebavańnie da biełaruskaj dziaržaŭnaści i suvierenitetu».
«A hipatetyčnaja dapamoha, jakuju, padkreślu, z našaha boku nichto nie prasiŭ i ŭ jakoj niama nijakaj abjektyŭnaj nieabchodnaści, upeŭnieny, moža być pry žadańni vykarystana polskim bokam sapraŭdy pa pryznačeńni.
Jany majuć prava prapanavać jaje, naprykład, susiedniaj Litvie, niečałaviečyja ŭmovy ŭtrymańnia biežancaŭ u jakoj užo viadomyja ŭsiamu śvietu, naŭprost pieradać jaje afhanskim biežancam, jakija ŭžo jaki miesiac znachodziacca na polskaj miažy i jakim pastajanna akazvajuć dapamohu biełaruskija hramadzianie i hramadskija arhanizacyi. Nu ci ŭ krajnim vypadku ŭ jakaści dadatku mohuć addać jaje viadomym biełaruskim ekstremistam, jakich chavaje polski bok», - zajaviŭ Anatol Hłaz.
Jon nazvaŭ absurdnaj i śmiešnaj prapanovu dapamohi ad krainy «u jakoj ŭciekačy źbivajuć da paŭśmierci, niezakonna vyciskajucca, niama litaści navat da dziaciej-invalidaŭ, uvodzicca nadzvyčajnaje stanovišča, ihnarujucca rašeńni mižnarodnych arhanizacyj»
