Kolkaść chvorych na kavid rasiejcaŭ ciapier u try razy vyšejšaja, čym u hety ž pieryjad letaś. Pra heta rasijskim ŚMI paviedamiła vice-premjer Rasii Taćciana Holikava.
«Rost zachvorvańnia na novuju karanavirusnuju infiekcyju z pačatku vieraśnia 2021 hoda skłaŭ amal 31%, siarednietydniovy pakazčyk za piać tydniaŭ skłaŭ 96,9 vypadkaŭ na 100 tysiač nasielnictva. Heta ŭ 3,1 razu bolš, čym u anałahičnym pieryjadzie minułaha hoda», — skazała čynoŭnica.
Holikava zajaviła taksama, što ŭrad Rasii vypracavaŭ šerah zachadaŭ dla abarony nasielnictva biez uviadzieńnia łakdaŭnu.
U Rasii hramadzianie nie majuć mahčymaści atrymać ni adnu z zaćvierdžanych SAAZ vakcyn suprać COVID-19.
Čytajcie taksama: U Breście i Hrodnie zafiksavany značny rost zachvorvańnia na kavid
