Fota pixabay.com.
Pryznaki hetych chvarobaŭ šmat u čym padobnyja — naprykład, lichamanka i stomlenaść moža mieć miesca ŭ vypadku abiedźviuch chvarobaŭ. Niekatoryja ź simptomaŭ kavidu uvohule možna zbłytać z alerhijaj, piša Wall Street Journal.
U pryvatnaści, heta datyčycca tych vypadkaŭ kavidu, kali čałaviek chvareje paśla praviedzienaj vakcynacyi. Tady simptomy doŭžacca nie tak doŭha i prajaŭlajucca nie tak mocna, jak u vypadku sa zvyčajnaj chvarobaj na kavid. Siarod takich pryznakaŭ adznačajuć nasmark, jaki jakraz i padobny da simptoma alerhii, a taksama stomlenaść i kašal.
Ale ž pry hetym zastajecca adzin unikalny simptom, jaki charakterny mienavita dla kavidu. Heta strata adčuvańniaŭ smaku ci niuchu.
Praŭda, kavid nie zaŭsiody supravadžajecca takim simptomam, tamu, kali vy majecie hetyja adčuvańni, nie varta ličyć, što ŭ vas dakładna nie kavid. Treba źviartać uvahu na inšyja simptomy i pry nieabchodnaści rabić testy na kavid.
Jak ni dziŭna, jość vierahodnaść adnačasova zachvareć na niekalki infiekcyj, choć heta i sustrakajecca nie nadta časta.
Pad asablivaj pahrozaj znachodziacca dzieci, što pravodziać šmat času ŭ dziciačym sadku ci škole, dzie adnačasova cyrkuliruje šmat virusaŭ. Pavyšanuju niebiaśpieku moža pradstaŭlać spałučeńnie pnieŭmavirusaŭ i adenavirusaŭ — u dziaciej takaja kambinacyja moža vyklikać bolš ciažkuju chvarobu, čym u darosłych.
Jość roznyja pohlady na toje, jak spałučajucca vakcyny ad kavidu i hrypu, i ci možna rabić hetyja pryščepki adnačasova. Častka daktaroŭ ličać, što rabić pierapynak pamiž vakcynami nie abaviazkova, a častka schilajecca da taho, što pamiž pryščepkami pavinna prajści dva tydni ci navat miesiac. U lubym vypadku, važna aryjentavacca na ŭłasnaje samaadčuvańnie i rekamiendacyi doktara.
Čytajcie taksama: Amierykanskija navukoŭcy raspracavali vakcynu suprać reŭmatoidnaha artrytu
